Foto: Aqorda
Aqordanyń baspasóz qyzmeti Qazaqstannyń eshqandai qarjylyq jarna tólemei-aq Beibitshilik keńesine kirgenin málimdedi, dep habarlaidy Ult.kz.
Qasym-Jomart Toqaev búgin Shveitsariianyń Davos qalasynda AQSh Prezidenti Donald Tramptyń bastamasymen qurylǵan Beibitshilik keńesiniń Jarǵysyna qol qoiǵan bolatyn.
Qol qoiý rásimine Qazaqstan Prezidentinen ózge 18 eldiń basshylary men ókilderi qatysty. Keńes músheleriniń mandaty úsh jylǵa sozylady.
Aqorda baspasóz qyzmetiniń málimetinshe, atalǵan keńeske múshe bolý úshin 1 mlrd dollar kólemindegi erikti jarna tóleý mindetti emes. Bul – ár qatysýshynyń óz erki. Eger mundai jarna alǵashqy jyly tólense, memleket úsh jyldyq merzimdi uzartý múmkindigi usynylady.
"Qazaqstan Beibitshilik keńesine jarlyq erejesine sáikes qarjylai jarnasyz kirdi", – delingen habarlamada.
