فوتو: اقوردا
اقوردانىڭ باسپاسٶز قىزمەتٸ قازاقستاننىڭ ەشقانداي قارجىلىق جارنا تٶلەمەي-اق بەيبٸتشٸلٸك كەڭەسٸنە كٸرگەنٸن مەلٸمدەدٸ, دەپ حابارلايدى Ult.kz.
قاسىم-جومارت توقاەۆ بٷگٸن شۆەيتسارييانىڭ داۆوس قالاسىندا اقش پرەزيدەنتٸ دونالد ترامپتىڭ باستاماسىمەن قۇرىلعان بەيبٸتشٸلٸك كەڭەسٸنٸڭ جارعىسىنا قول قويعان بولاتىن.
قول قويۋ رەسٸمٸنە قازاقستان پرەزيدەنتٸنەن ٶزگە 18 ەلدٸڭ باسشىلارى مەن ٶكٸلدەرٸ قاتىستى. كەڭەس مٷشەلەرٸنٸڭ مانداتى ٷش جىلعا سوزىلادى.
اقوردا باسپاسٶز قىزمەتٸنٸڭ مەلٸمەتٸنشە, اتالعان كەڭەسكە مٷشە بولۋ ٷشٸن 1 ملرد دوللار كٶلەمٸندەگٸ ەرٸكتٸ جارنا تٶلەۋ مٸندەتتٸ ەمەس. بۇل – ەر قاتىسۋشىنىڭ ٶز ەركٸ. ەگەر مۇنداي جارنا العاشقى جىلى تٶلەنسە, مەملەكەت ٷش جىلدىق مەرزٸمدٸ ۇزارتۋ مٷمكٸندٸگٸ ۇسىنىلادى.
"قازاقستان بەيبٸتشٸلٸك كەڭەسٸنە جارلىق ەرەجەسٸنە سەيكەس قارجىلاي جارناسىز كٸردٸ", – دەلٸنگەن حابارلامادا.
