10-16 qyrkúiek aralyǵynda Resei men Belarýs elderiniń aýmaǵynda «Batys-2021» birlesken strategiialyq oqý-jattyǵýy ótedi. Oǵan Qazaqstan Respýblikasy Qarýly Kúshteriniń Desanttyq-shabýyldaý áskerlerinen 100-den astam áskeri qyzmetshi qatysady. Bul týraly Qorǵanys ministrligi habarlady.
Zańsyz qarýlanǵan quramalarǵa kúres júrgizýge baǵyttalǵan birlesken manevrler eki kezeńde ótedi. Onda arnaiy jaýyngerlik operatsiialardy júrgizýdegi ózara is-áreketti uiymdastyrý jáne jan-jaqty qamtamasyz etý máseleleri pysyqtalady. Komandirler kópultty kúshter quramynda bólimshelerdi basqarý daǵdylaryn jetildiredi. Jeke quram zańsyz qarýlanǵan quramalarǵa barlaý-izdestirý is-qimylyn, buǵattaýdy jáne joiýdy júrgizedi.
«Batys-2021» birlesken strategiialyq oqý-jattyǵýy barysynda Reseidiń eki poligonynda jáne Belarýs eliniń bes poligonynda áskerlerdiń praktikalyq is-áreketi ótedi.
