Qazaqstan Prezidenti Qasym-Jomart Toqaev iri biznes ókilderimen kezdesýinde eldegi tereńdep ketken áleýmettik teńsizdik týraly aitty, dep habarlaidy Sputnik Qazaqstan.
"Halyqaralyq sarapshylar, atap aitqanda, KPMG Qazaqstan bailyǵynyń teń jartysyna bar-joǵy 162 adam ielik etedi dep málimdedi. Sonymen qatar halyqtyń jartysynyń ailyq tabysy 50 myń teńgeden aspaidy nemese jylyna 1300 dollardan sál ǵana asady. Mundai aqshaǵa ómir súrý múmkin emes. Tez arada jaǵdaidy ózgertý kerek jáne kóp nárse sizderge bailanysty, qurmetti kásipkerler", - dep málimdedi ol.
Prezidenttiń pikirinshe, Qazaqstandaǵy oligopoliia – bul el ekonomikasyn ártaraptandyrýǵa emes, bir qolda biznesti ártaraptandyrýǵa degen turaqty umtylys.
"Bir adam nemese kompaniia óndirip, óńdeidi jáne bankterden qoldaý kóredi, al qalǵandary ony ilip áketedi... Biznesti monopoliialaý – jaqsy emes. Bul qoǵamdyq depressiiaǵa, elge senimsizdikke ákelip soqtyrady. Halyqtyń kókeiinde nelikten biznestiń barlyq túri bir qolda degen suraq bar. Gegeldi Babelmen shatastyratyndar bar, arnaiy bilimi joq, biraq olardyń qolynda orasan zor biznes bar. Arnaiy kýrstardy bitirgen bilimdi adamdar biznes kózderi men resýrstaryna qol jetkize almaidy", - dedi Toqaev.
