QR Bas memlekettik sanitar dárigeri Aijan Esmaǵambetovanyń karantindik shekteý sharalary jáne olardy kezeń-kezeńimen jeńildetý týraly qaýlysy jaryq kórdi, dep habarlaidy "Ult aqparat".
Qaýlyǵa sáikes, «Qazaqstan temir joly» ulttyq kompaniiasy» aktsionerlik qoǵamy» qala mańyndaǵy jolaýshylar poezdarynyń (elektr poiyzdarynyń) qozǵalysyn toqtata turýdy; jumys poiyzdaryn qospaǵanda, jolaýshylar poiyzdarynyń quramynda jalpy vagondardy jasaqtaýdy boldyrmaýdy qamtamasyz etedi.
Oblystardyń, Almaty, Nur-Sultan, Shymkent qalalarynyń ákimderi, ortalyq memlekettik organdar, quqyq qorǵaý jáne arnaiy organdar qalaaralyq avtobýs, shaǵyn avtobýs tasymaldaryn toqtata turýy qajet. Kórermender qatysatyn, sporttyq is-sharalardy, kórmelerdi, forýmdardy, konferentsiialardy, sondai-aq otbasylyq, saltanatty, estelik is-sharalardy (banketter, úilený toilary, mereitoilar, eske alý), onyń ishinde úide ókiziletin jáne adamdar kóp jinalatyn ózge de is-sharalardy ótkizýge tyiym salynady. Oiyn-saýyq mekemeleriniń (karaoke, biliard, kompiýterlik klýbtar, túngi klýbtar, boýling ortalyqtary, attraktsiondar, balalar oiyn alańdary, batýttar jáne basqalar), kinoteatrlardyń, býkmekerlik keńselerdiń qyzmetine ruqsat etilmeidi.
Barlyq mádeniet obektileriniń (teatrlar, kontsert zaldary, murajailar, kórmeler jáne t. b.) qyzmetine tyiym salynyp, dini obektilerdiń (meshitter, shirkeýler, jiyndar, sinagogalar jáne taǵy basqalarynyń qyzmeti toqtatyla turady.
Balalardy saýyqtyrý lagerleriniń qyzmetine ázirshe bastalmaidy. Kezekshi toptardy qospaǵanda, mektepke deiingi balalar mekemeleriniń qyzmetine tyiym saqtalady. Mektepke deiingi balalar mekemeleriniń kezekshi toptarynyń qyzmetine 15 adamnan aspaityn toptardy jinaqtaý saqtalǵan kezde, QR BMSD №43 qaýlysynyń talaptary saqtalǵan jaǵdaida jol beriledi.
