Qazaqstan 2020 jyldyń qorytyndysy boiynsha azyq-túlik qaýipsizdigi deńgeii boiynsha 113 orynnyń ishinen 32-oryndy ielendi.
Osylaisha 2019 jylmen salystyrǵanda óz pozitsiiasyn 16 tarmaqqa jaqsartty, dep habarlaidy "Ult aqparat" Úkimettiń resmi saityna silteme jasap.
Bul Corteva Agriscience qoldaýymen The Economist Intelligence Unit sarapshylary daiyndaǵan Jahandyq azyq-túlik qaýipsizdigi indeksinen alynǵan.
The Economist Intelligence Unit derekterine sáikes, Qazaqstan 2020 jylǵy reitingtegi pozitsiiasyn jaqsartý turǵysynan asa mańyzdy oń serpini bar el bolyp sanalady. Halyq úshin azyq-túlik ónimderiniń qoljetimdiligi, azyq-túlik ónimderiniń sapasy men qaýipsizdigi, azyq-túlik ónimderiniń bolýy sekildi kórsetkishter boiynsha oń dinamika baiqaldy. Oń qarqyndy qamtamasyz etken faktorlar tiziminde The Economist Intelligence Unit AÓK sektoryndaǵy óndiristiń turaqtylyǵyn, azyq-túlik qaýipsizdigin qamtamasyz etý jónindegi áleýmettik baǵdarlamalardyń qoljetimdiligin, halyqtyń kedeishilik sheginen tómen úlesin, naryqtyń jáne AÓK sektoryndaǵy qarjylyq qyzmetterdiń, naryqtaǵy usynystyń, mikronýtrientterdiń qoljetimdiligin, proteinderdiń sapasyn, azyq-túlik ónimderiniń qaýipsizdigin, azyq-túlik ónimderine tómen importtyq tarifterdiń, óndiris pen distribýtsiia kezindegi ysyraptardyń tómendigin atap kórsetedi. Sondai-aq aýyl sharýashylyǵy infraqurylymy, AÓK sektoryndaǵy ǵylymi zertteýler siiaqty kórsetkishter boiynsha da jaqsarý baiqaldy.
