Qazaqstan azyq-túlik qaýipsizdiginiń jahandyq reitinginde pozitsiiasyn 32-orynǵa deiin jaqsartty. Bul týraly QR Parlamenti palatalarynyń birlesken otyrysynda Premer-Ministr Asqar Mamin aitty, dep habarlaidy "Ult aqparat".
«Negizgi 29 azyq-túlik taýary boiynsha azyq-túlik qaýipsizdigin qamtamasyz etý is-sharalarynyń aiasynda 59 joba, onyń ishinde 48 sút-taýarly ferma, 3 et kombinaty, 8 qus fabrikasysalynyp, olar 220 myń tonnadan astam ónim óndirdi. Iri qara mal 5,6 paiyzǵa artyp 7,8 mln basqa jetti. Usaq mal, jylqy sany kóbeidi», - dedi Premer-Ministr.
Úkimet basshysynyń dereginshe, byltyr 20,1 mln tonna astyq jáne burshaq dándi daqyl bastyryldy.
Astyq sapasy 80 paiyzǵa jaqsardy. Bul - sońǵy 5 jyldaǵy úzdik nátije sanalady.
«Qazaqstan 2020 jyly Azyq-túlik qaýipsizdiginiń jahandyq reitinginde óz pozitsiiasyn 113 eldiń arasynda 32-orynǵa deiin jaqsartty», - dedi Asqar Mamin.
