Byltyr qańtar-jeltoqsanda elde 120,9 myń jup shańyraq kótergen. Bul onyń aldyndaǵy jylmen salystyrǵanda 6 paiyzǵa az, - dep habarlaidy "Ult aqparat".
Ranking.kz saitynyń habarlaýynsha, aýyl men qalada úilengender sany boiynsha da tirkelgen neke sany azaiǵan: aýylda 5,1 paiyzǵa azaiyp, 40,9 myń jup úilense, qalada 6,4 paiyzǵa iaǵni 80 myń jup tirkelgen.
Ajyrasý sany da azaiǵan: byltyr 12 aida 16,8 jup ajyrasyp ketken. Bul onyń aldyndaǵy jylmen salystyrǵanda 5,3 paiyzǵa az.
Al aimaq boiynsha eń kóp neke Almatyda tirkelgen: 13,1 myń jup bas qosqan. Biraq bul 2022 jylmen salystyrǵanda 4 paiyzǵa az.
Odan keiingi orynda Túrkistan oblysy jáne Astana qalasy.
Ajyrasý boiynsha da Almaty kósh bastap tur. Odan keiin Qaraǵandy oblysynda jáne Astanada ajyrasqandar kóp.
2024 jylǵy 4 naýryzda jańartylǵan Petrelli Previtera málimetteri boiynsha, Qazaqstan ajyrasý boiynsha Maldiv araldarynan keiingi álemde ekinshi orynda. Eldiń koeffitsienti 1000 adamǵa 4,6 qurady. Sarapshylar eldegi ajyrasýdyń negizgi sebepteri týystarynyń aralasýy (61%), moraldyq shekteýlerdiń bolmaýy (41%), ońai ajyrasý protsesi (25%) ekenin atap ótti. Sondai-aq, problemalardyń qatarynda genderlik rólderdi saqtaý jáne jalpy nekege degen kózqarastyń ózgerýi bar.
Bir qyzyǵy, ajyrasýdyń joǵary deńgeiine qaramastan, qazaqstandyqtar neke institýtyn áli de baǵalaidy. Zertteýler kórsetkendei, QR jastarynyń 82,5% - y (18-29 jas) óz bolashaǵyn otbasyly jáne balaly-shaǵaly etip elestetedi.
Gýam, Resei, Moldova, Belarýs, Qytai, Arýba, Litva, Dominikan respýblikasy da "ajyrasqysh" elderdiń ondyǵyna kirdi.
Avtor: Dýlat Jýmagazin
