QR Syrtqy ister ministrliginiń málimetine súiensek, Qazaqstan azamaty qazirgi tańda úshinshi memlekettiń aýmaǵynda jasyrynyp júr, dep habarlaidy "Ult aqparat".
«QR SIM Koreia Respýblikasynda oryn alǵan oqiǵany biledi. Qazirgi ýaqytta bizge belgili málimetterge sensek, Qazaqstan azamaty rasynda kishkentai balany qaǵyp ketip, zardap shekken balany jolda qaldyryp, oqiǵa ornynan qashyp ketken», - dep habarlaidy QR SIM resmi ókili Aibek Smadiiarov.
Qolda bar derekter boiynsha, ol adam qazir úshinshi memleket aýmaǵynda jasyrynyp júr.
«Onyń naqty qaida ekeni belgisiz. Quqyq qorǵaý organdary tarapynan ony izdestirý jumystary júrip jatyr. Ustalǵan jaǵdaida másele quqyqtyq keńistik sheńberinde sheshiledi. Bul másele boiynsha jańa aqparattar paida bolǵan jaǵdaida qosymsha habarlaimyz», - deidi Aibek Smadiiarov.
