Foto: Tengrinews.kz
Qazaqstandyq Pavel Pobedinskii Varshavadan Ystambulǵa ushýǵa tiis bolǵan, biraq úiine qaityp bara jatqanda er adam iz-túzsiz joǵalyp ketken, - dep habarlaidy Massaget.kz.
Joǵalǵan er adamnyń áieli ol 10 mamyrda saǵat 14:25-te Varshava áýejaiynan Lufthansa LH-1300 reisimen Ystambulǵa ushýy kerek bolǵanyn aitty. Sol kezde Pavel sońǵy ret bailanysqa shyqqan.
"Biz oǵan Varshavadan Ystambulǵa bilet aldyq, ol jerden Almatyǵa bilet alýy kerek edi, sońǵy ret Varshava áýejaiynda sóilesken edik, sodan keiin ol bailanysqa shyqpady. Varshavada onyń telefony óship qaldy, biz onyń ushyp-ushpaǵanyn bilmeimiz", - deidi joǵalǵan er adamnyń áieli Gúlmira Egimbaeva.
Er adam Eýropaǵa jumys boiynsha ushyp ketken.
"Júrgizýshi bolyp jumysqa ornalasýǵa bardy, sonda 2 kún boldy, biraq unamady, úige qaitamyn dedi. Varshavada onyń eshkimi joq, ol jaqta eshkimdi tanymaidy. Biz habarda boldyq. Varshava áýejaiynda bolǵan kezde onymen bailanys úzildi, bailanysa almai qaldyq, telefony óshirýli", - dedi áieli.
Ol kúieýiniń sottalmaǵanyn jáne qylmystyq jaǵdailarǵa qatysy joǵyn aitty. Joǵalǵan azamattyń týystary Qazaqstannyń Polshadaǵy elshiligine de júgingen.
