Zańnamadaǵy Qazaqstan Respýblikasynyń azamattyǵynan aiyrý tártibine ózgerister engizildi, dep habarlaidy "Ult aqparat".
QR Prezidentiniń 2006 jylǵy 10 qazandaǵy «Qazaqstan Respýblikasy Prezidentiniń janyndaǵy Azamattyq máseleleri jónindegi komissiia týraly» Jarlyǵyna ózgerister engizilip otyr.
Ózgeristiń birinshi bóligi Azamattyq máseleler jónindegi komissiia músheleriniń máseleni daýysqa salý tártibine qatysty.
«Komissiia músheleriniń daýystary teń bólingen jaǵdaida tóraǵalyq etýshiniń daýysy sheshýshi bolyp tabylady. Komissiia sheshimi tóraǵa qol qoiatyn hattamamen resimdeledi», - dep jańa qujattyń mátininde. Al buryn komissiianyń sheshimine otyrysqa qatysqandardyń bári qol qoiatyn.
Qazaqstan azamattyǵynan aiyrýǵa qatysty tarmaqtar da ózgertildi.
Budan bylai ishki ister organdary:
- Respýblikanyń memleketaralyq sharttarynda kózdelgen jaǵdailardy qospaǵanda, basqa memlekettiń áskeri qyzmetine, qaýipsizdik qyzmetine, politsiiaǵa, ádilet organdaryna nemese ózge de memlekettik úkimet jáne basqarý organdaryna ornalasqan adamdardy;
- QR azamattyǵy kórineý jalǵan málimetter nemese jalǵan qujattar usyný arqyly alynsa;
- Qazaqstan Respýblikasynyń memleketaralyq sharttarynda kózdelgen negizder boiynsha;
- Adam basqa memlekettiń azamattyǵyn alǵan bolsa;
- QR azamattyǵyn alýyna negiz bolǵan QR azamatymen nekeni sot jaramsyz dep tanysa;
- Qazaqstan azamaty bolyp tabylatyn, sheteldikterge asyrap alýǵa berilgen bala kámeletke tolǵan kezde onyń erikti qalaýy boiynsha;
- Sheteldik qarýly qaqtyǵystarǵa, shet memleket aýmaǵyndaǵy ekstremistik nemese terroristik áreketterge qatysýshylardy QR azamattyǵynan aiyra alady.
Qazaqstannyn tys jerdegi tulǵalardyń osyǵan uqsas sebepter boiynsha azamattyǵynan aiyrylý málimetterin elshilikter tirkeidi.
Qaýly 2021 jyldyń 13 mamyrynda kúshine endi.
