«Qazgidromet» RMK 19-20 qańtar aralyǵyndaǵy aýa raiy boljamyn jariialady, dep habarlaidy "Ult aqparat".
Jyl basynan beri Eýropanyń soltústik jartysynda jáne Batys Sibirde óte belsendi endik frontaldy aimaq quryldy, ol arqyly jylý men ylǵaldyń úlken qory bar tereń tsiklondar Atlantika aimaqtarynan Arktika jaǵalaýlarynyń boiymen birinen keiin biri aýysyp, sol arqyly Arktikalyq sýyqtyń Qazaqstan aýmaǵynan ótýin tejeidi.
Aldaǵy birneshe kúnde respýblikadaǵy aýa raiyna áser etetin sinoptikalyq protsesterde aitarlyqtai ózgerister bolmaidy. Sondyqtan Qazaqstanda qatty aiaz turmaýy múmkin.
Atmosferalyq fronttardyń áserinen respýblikanyń soltústik jáne shyǵys aimaqtarynda 19-20 qańtarda kei jerlerde qar jaýyp, boran bolady, batystan jáne soltústik-batystan qatty jel soǵady, aýa temperatýrasy túnde 10-18, kúndiz 5-10 gradýs aiaz bolady.
Qalǵan aýmaqta - jaýyn-shashynsyz, túnde jáne tańerteń tuman túsedi, batysta aýa temperatýrasy túnde 2-10, kúndiz 4 gradýs aiaz, 2 gradýs jyly; ońtústik jáne ońtústik-shyǵysta túnde 8-15 gradýs aiaz, kúndiz 5 gradýs aiaz, -2 gradýs jyly; ortalyqta túnde 8-15, kúndiz 5-10 gradýs aiaz bolady. Mundai aýa temperatýrasy kópjyldyq ortasha mánnen 3-5°S joǵary.
Nur-Sultan qalasynda 19 qańtarda túnde 7-12 gradýs, túnde 3-8 gradýs aiaz bolsa, 20 qańtarda túnde 13-18, kúndiz 7-12 gradýs aiaz bolady.
