Elimizde 19,7 mln tonna shóp nemese 83 paiyzy daiyndaldy. Bul týraly Úkimet otyrysynda QR Aýyl sharýashylyǵy ministriniń mindetin atqarýshy Erbol Qarashókeev aitty, dep habarlaidy QazAqparat.
«Maldyń qystan oidaǵydai shyǵýy úshin oblystardyń ákimdikterimen birlesip, azyq daiyndaý josparlary belgilendi. Mysaly, shóp daiyndaý jospary zapastaǵylardy eskere otyryp, 23,7 mln tonnany quraidy. Is júzinde 19,7 mln tonna shóp nemese 83% daiyndaldy. Almaty, Jambyl jáne Qostanai oblystarynda jospardyń shamamen 90%-y kóleminde shóp daiyndaldy», - dedi Qarashókeev.
Onyń aitýynsha, uiymdastyrylǵan sharýashylyqtar 989 myń tonna pishendeme ázirledi, bul jospardyń 62%-yn quraidy. Sondai-aq súrlem daiyndalyp jatyr, jospar 2 mln tonnadan asady. 4,8 mln tonna saban jáne 6 mln tonna qunarly azyq daiyndaý boiynsha josparlar aiqyndaldy.
«Soltústik óńirler úshin pishen boiynsha ǵana emes, basqa óńirlerde shóp jetispegen jaǵdaida, saban daiyndaý boiynsha da josparlar ulǵaityldy», - dedi Erbol Qarashókeev.
