Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine adamdardy Qazaqstan sheginen tys jerge shyǵaryp jiberý kezinde ustaý merzimderin retteý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
«Ishki ister ministrligi málimetinshe, sońǵy eki jyl men biylǵy segiz aida Qazaqstan zańnamasy talaptaryn oryndamaǵany úshin el aýmaǵynan 25,5 myń sheteldik shyǵaryldy. Onyń ishinde eki myńǵa jýyǵy sot aktisin oryndamaǵan. Olardyń arasynda ákimshilik ári qylmystyq quqyqbuzýshylyq jasaǵandar bar. Minnistrlik aóqparatyna qaraǵanda, atalǵan merzimde Qazaqstanǵan keletin sheteldikter tarapynan (jyl saiyn el aýmaǵyna 6 millionǵa jýyq keledi) 220 myńnan astam ákimshilik quqyq buzýshylyq pen 4 myńǵa jýyq qylmys jasaldy», - dedi Májilis depýtaty Vasilii Oleinik zań jobasy boiynsha baiandamasynda.
Onyń sózine qaraǵanda, qazirgi kezde 1,3 myńnan astam sheteldik bas bostandyǵynan aiyrý oryndarynda jazasyn ótep jatyr jáne probatsiialyq baqylaýda.
Zań jobasyn qabyldaý mynadai mindetterdi sheshýge múmkindik beredi:
1) adam quqyqtaryn qorǵaý salasyndaǵy ulttyq zańnamaǵa halyqaralyq standarttardy engizý;
2) Qazaqstan Respýblikasy Konstitýtsiialyq Keńesiniń adamdardy (sheteldikter men azamattyǵy joq adamdardy) Qazaqstan Respýblikasynan tysqary jerlerge shyǵaryp jiberý kezinde ustap alý merzimderin qosymsha zańnamalyq retteý týraly usynystaryn oryndaý, olardy ustap alý jáne keiinnen ishki ister organdarynyń arnaýly mekemelerine ornalastyrý tártibin reglamentteý.
Joǵaryda kórsetilgen mindetterdi iske asyrý azamattardyń, sondai-aq sheteldikter men azamattyǵy joq adamdardyń bostandyǵyna jáne jeke basyna qolsuǵylmaýshylyǵyna quqyqtardy qorǵaý salasyndaǵy ulttyq zańnamany odan ári jetildirýdi qamtamasyz etedi.
