Elimizdiń Syrty ister ministrligi «Qazaqstan aýǵan bosqyndardy qabyldaýy múmkin» degen sybysqa qatysty túsinikteme berdi, dep habarlaidy QazAqparat.
«Whats App messendjerinde taraǵan Almaty nemese Shymkentke aýǵan bosqyndary keleiin dep jatyr» degen aqparat shyndyqqa janaspaidy. Sondyqtan da azamattardy tek resmi aqparatqa súienýge shaqyramyz. Resmi aqparatty Syrtqy ister ministrliginen nemese jergilikti atqarýshy organdardan bilýge bolady», - dedi QR Syrtqy ister ministrliginiń resmi ókili Aibek Smadiiarov tilshilerdiń suraqtaryna jaýap bere turyp.
Onyń aitýynsha, búginde elimizde aýǵan bosqyndaryn qabyldaý máselesi qaralyp jatqan joq.
«Eger qabyldaý týraly áńgime qozǵalǵan jaǵdaidyń ózinde Aýǵanstan aýmaǵynda resmi jumys istep jatqan BUU qyzmetkerlerine ǵana qatysty. Onyń ózinde Qazaqstannyń biligine resmi ótinish bildirgen jaǵdaida», - deidi ol.
Buǵan deiin Smadiiarov Aýǵanstan aýmaǵynda qalyp, elge qaitqysy kelgen qazaqstandyqtardyń qaida habarlasýy kerektigin aitty. Resmi ókildiń sózine sensek, Aýǵanstandaǵy Qazaqstan elshiligi janynan arnaiy komissiia quryldy.
