QR Premer-Ministri Asqar Maminniń tóraǵalyǵymen ótken Úkimet otyrysynda QR 2019–2025 jyldarǵa arnalǵan týristik salasyn damytýdyń memlekettik baǵdarlamasynyń jobasy maquldandy, dep habarlaidy "Ult aqparat".
Mádeniet jáne sport ministrliginiń derekteri boiynsha, Qazaqstan Respýblikasynyń týristik salasyn damytýdyń 2019–2025 jyldarǵa arnalǵan memlekettik baǵdarlamasyn jáne oǵan ilespe zań jobasyn qabyldaý saiahat úshin tartymdy 50 eldiń qataryna kirýge jol ashady.
Memlekettik baǵdarlama eleýli áleýmettik-ekonomikalyq áseri bar 10 júieli sharany qamtidy.
Ministrdiń aitýynsha, TOP-10-da basym týristik aýmaqtardy jáne basqarýshy kompaniialardy qurý kózdelgen. Shara 800 mlrd teńge kólemindegi investitsiia tartyp, 200-den astam investitsiialyq jobany iske asyrýǵa múmkindik beredi.
Sonymen qatar, Memlekettik baǵdarlamanyń jobasynda týrizm infraqurylymyn damytýǵa biznesti tarta otyryp, erekshe qorǵalatyn tabiǵi aýmaqtardy damytý usynylady.
Taǵy bir shara — MJÁ aiasynda týristik destinatsiialarda sanitarlyq-gigienalyq toraptardy salý.
Qazaqstandy týrizmniń álemdik kartasynda ilgeriletý jáne marketing jumystary úshin sheteldik tájiribege uqsas, shetel azamattarynan bir túnge 2-4 dollar mólsherinde týristik jarna («Bed Tax») alýdy engizý josparda bar. Shara Memlekettik baǵdarlama qabyldanǵan sátten bastap búkil Qazaqstan boiynsha áreket etetin bolady.
Sonymen qatar, A. Muhamediuly Memlekettik baǵdarlama jobasynda vizalyq rejimdi yryqtandyrý máselesine erekshe kóńil bólingenin aitty. Munda «e-Visa» engizilgen tetigin ońtailandyrýdan, 72 saǵattyq vizasyz tranzitti keńeitýden sharalar kesheni ázirlenedi. Buǵan qosa, e-Hotel júiesin engizý kózdelgen. Atalǵan sharalar elimizge sheteldik týrister aǵynynyń ulǵaiýyn qamtamasyz etedi.
Sondai-aq, gid-aýdarmashylardyń qyzmetin baqylaý kúsheitilip, olardy EO jáne EYDU elderiniń tájiribesi boiynsha sertifikattaýdyń mindetti tetikteri engiziledi.
Memlekettik baǵdarlama pýnkteriniń biri — bes juldyzdy standarttar bazasynda ornalastyrý oryndaryn mindetti jikteýdi engizý. Shara Qazaqstannyń týristik ónimderiniń qoljetimdiligi men servis sapasyn arttyrý jolyndaǵy mańyzdy qadam bolady.
«Elbasynyń "Nur Otan" partiiasynyń XVIII sezinde aitqan – balalardy qoldaý jáne olardyń damýyna yqpal etý týraly úndeýine tolyqtai sai keletin "KIDS GO FREE" tetigin engizý usynylady», — dedi mádeniet jáne sport ministri.
Budan ózge, Memlekettik baǵdarlama aiasynda respýblika shekaralarynda ótkizý pýnkteriniń jumysyn jetildirý, sondai-aq Eýroodaq, Avstraliia, Tailand, Singapýr jáne TMD-nyń keibir elderi — Resei, Belarýs, Grýziia elderiniń tájiribesi boiynsha 2022 jyldan bastap «Tax Free» engizý josparda bar. Osyndai sharalardyń arqasynda kóptegen damyǵan elder saýda ainalymyn ǵana emes, shoping-týristerdiń aǵynyn da ulǵaitty.
«Eýroodaq, Avstraliia, Tailand, Singapýr jáne TMD-nyń keibir elderi -Resei, Belarýs, Grýziianyń tájiribesi boiynsha 2022 jyldan bastap elimizde «Tax Free» engiziledi. «PremierTaxFree», «GlobalBlue», «InnovaTaxfree» siiaqty operatorlardy tartý respýblikalyq biýdjetten Qazaqstannyń tek Astana, Almaty jáne Shymkenttiń iri áýejailarynda ǵana júzege asyrylatyn bolady», - dedi «Qazaqstan Respýblikasynyń týristik salasyn damytýdyń 2019-2025 jyldarǵa arnalǵan memlekettik baǵdarlamasy» jobasyn tanystyrǵan ol.
Memlekettik baǵdarlama jobasyn iske asyrý barysynda McKinsey halyqaralyq konsaltingtik kompaniiasynyń qazaqstandyq ókildiginiń keńesshisi Iohan Berbner sóz sóiledi. Ol týristik oryndardy damytý boiynsha táýelsiz sarapshylyq pikirin jetkizdi. Sonymen qatar, ol Qazaqstannyń joǵary týristik áleýeti bar ekenin jáne ony tabysty iske asyrǵan sátte týrizm Qazaqstan ekonomikasynyń jańa draiverine ainalatynyn atap ótti.
Óńirlerde týrizmdi odan ári damytý josparlary men aǵymdaǵy jaǵdai týraly Shyǵys Qazaqstan oblysynyń ákimi D. Ahmetov, Aqmola oblysy ákiminiń orynbasary Q. Ydyrysov baiandady.
