«Álemniń úzdik muǵalimi» syilyǵynyń irikteý kezeńine Qazaqstan atynan 11 pedagog qatysatyn boldy, dep habarlaidy "Ult aqparat".
«Qoǵamdyq mańyzdy bastamalardy damytý qorynyń quryltaishysy Áliia Nursultanqyzy «Álem muǵalimi» syilyǵynyń irikteý kezeńine elimizdiń atynan qatysatyn 11 pedagogtyń esimderin jariialady. Qazaqstan pedagogtarynyń jahandyq syilyqqa qatysýy Qoǵamdyq mańyzdy bastamalardy damytý qorynyń – Halyqaralyq Varke qaiyrymdylyq qory («Varkey GEMS Foundation») quryltaishysy bolyp tabylatyn Dúniejúzilik syilyqtyń Qazaqstandaǵy resmi ókiliniń qoldaýymen múmkin bolyp otyr», - delingen Qoǵamdyq mańyzdy bastamalardy damytý qory taratqan aqparatta.
Úzdik kandidattardy quramyna Bilim jáne ǵylym ministrliginiń, ata-analar qaýymdastyǵynyń, úkimettik emes uiymdardyń ókilderi, bilim salasyndaǵy táýelsiz sarapshylar, filantroptar kiretin Táýelsiz sýdialar akademiiasy PricewaterhouseCoopers halyqaralyq aýditorlar komandasynyń baqylaýymen iriktep alǵan.
Sonymen, Dýbaida 2020 jyldyń naýryz aiynda ótetin, pedagogtar úshin Nobel syilyǵynyń balamasy sanalatyn «Álem muǵalimi» Halyqaralyq premiiasyna ótinimderi jiberiletin muǵalimder mynalar:
1.⠀Albaeva Tamara Ǵabitqyzy - Aqtóbe qalasy №23 mektep-litseiiniń qazaq tili men ádebieti pániniń muǵalimi;⠀
2. Álieva Lázzat Nurǵalyqqyzy - Nur-Sultan qalasy RFMM filialynyń geografiia jáne jaratylystaný muǵalimi;
3. Bazarǵalieva Baian Temirjanqyzy – Aqtóbe oblysynyń daryndy er balalarǵa arnalǵan «Bilim innovatsiia» mamandandyrylǵan litsei-internatynyń qazaq tili men ádebieti muǵalimi;⠀
4. Dolaev Arhat Sadyrbaiuly – Almaty qalasy RFMM matematika muǵalimi
5. Qalmahanova Aigúl Bazarbaiqyzy - Jambyl oblysy Jambyl aýdanyndaǵy Baimyrza Besbaev atyndaǵy mektep-gimnaziiasynyń orys tili men ádebieti pániniń muǵalimi;⠀
6. Mergenbaeva Nazigúl Orazbaiqyzy - Almaty qalasy №148 mektep-gimnaziiasynyń bastaýysh synyp muǵalimi;⠀
7. Nadirova Gúlsim Kurmanbaiqyzy - Mańǵystaý oblysy Mańǵystaý aýdany Saiótes aýylyndaǵy «Ótes» orta mektebiniń geografiia pániniń muǵalimi;⠀
8. Orynbekov Arman Shymbaiuly - Shymkent qalasy №90 orta mektebiniń tarih pániniń muǵalimi;
9. Tileýlov Erbol Ernstuly – Shymkent qalasy fizika-matematika baǵytyndaǵy NZM dene shynyqtyrý muǵalimi;⠀
10. Jumabekov Ashat Sovethanuly – 2018 jylǵy «Úzdik pedagog» respýblikalyq baiqaýynyń jeńimpazy, Halyqaralyq Varke qoǵamdyq qorynyń «Álem muǵalimi» premiiasynyń irikteý kezeńine qatysýǵa arnaiy shaqyrtýynyń iegeri, Semei qalasy. NZM fizika jáne matematika muǵalimi.
11. Gýl Mýammer - Nur-Sultan qalasynyń daryndy er balalarǵa arnalǵan «Bilim-innovatsiia» litsei-internatynyń matematika pániniń muǵalimi. «Qazaqstan muǵalimi» Ulttyq premiiasynyń jeńimpazy, Damý qory bekitken 4 mln teńge kólemindegi aqshalai syilyqtyń iegeri jáne «Jahandyq premiianyń Qazaqstandaǵy ambassadory» atanǵan ustaz.
