Nur-Cultan qalasyna Qytaidan koronavirýs infektsiiasymen aýyratyn naýqastardy emdeýde mol tájiribesi bar dárigerler keldi, dep habarlaidy "Ult aqparat" QR Prezidenti janyndaǵy Tótenshe jaǵdailardy qamtamasyz etý jónindegi Memlekettik komissiianyń jedel shtabynyń málimetterine silteme jasap.
Jedel shtabtyń málimetterinshe, dárigerlerdiń arasynda pýlmonologtar, reanimatologtar, qoǵamdyq densaýlyq saqtaý sarapshylary bar.
Meditsina salasynyń mamandary Qazaqstanǵa COVID-19 virýsymen kúreste járdemdesedi.
Sonymen qatar, QHR shamamen 5,5 tonna gýmanitarlyq kómek jetkizdi. Olardyń ishinde jeke qorǵaný quraldary, dárilik preparattar bar. Esterińizde bolsa, Qazaqstan da indet bastalyp jatqan kezde Qytaiǵa maskalar túrinde gýmanitarlyq kómek kórsetken edi.
Dárigerler 15 kún jumys isteitin bolady, onyń tolyq baǵdarlamasy da jasaldy. Baǵdarlama barysynda koronavirýsy bar patsientterdi emdeý, diagnoz qoiý máselelerin talqylaý, sondai-aq jalpy qoǵamdyq densaýlyq saqtaý máselelerin qaraý kózdelgen.
Baǵdarlama aiasynda Nur-Sultan qalasymen qatar, Almaty jáne Qaraǵandy qalalaryna barý josparlanyp otyr.
Baǵdarlama aiasynda qytailyq dárigerler Nur-Sultan, Qaraǵandy, Almaty qalalaryna barady.
