Búgin Astanadaǵy Beibitshilik jáne kelisim saraiynda «Qazaqstan arýy 2018» ulttyq baiqaýynyń jeńimpazy anyqtaldy. Sonymen, «Qazaqstan arýy» ataǵyna Atyraý ókili, 16 jastaǵy Alfiia Ersaiyn laiyqty dep tanyldy. Ol búginde Atyraý gýmanitarlyq koledjiniń stýdenti, dep habarlaidy "Ult aqparat".
«Qazaqstan arýy» baiqaýynda baq synaý úshin Astanadaǵy finaldyq kezeńge elimizdiń túkpir-túkpirinen 30 boijetken jinaldy. Baiqaý barysynda qazylar alqasy finalǵa shyǵatyn tek 5 arýdy iriktedi. Olardyń arasynda Dinara Baimuratova (Semei,17 jasta), Sabina Ázimbaeva (Almaty, 18 jasta), Maimýna Kúlkesheva (Astana, 19 jasta), Alfiia Ersaiyn (Atyraý, 16 jasta), Ekaterina Dvoretskaia (Karaǵandy, 19 jasta) bar.
Budan keiin elimizdiń birinshi arýyn dástúrli túrde Qazaqstan halqy tikelei efir arqyly ótkiziletin onlain jáne SMS daýys berý arqyly tańdady. Nátijesinde, basym daýys jinaǵan «Qazaqstan arýy-2018» baiqaýynyń jeńimpazy atandy.
Birinshi vitse-miss ataǵyn E. Dvoretskaia alsa, ekinshi vitse-miss bolyp M. Kúlkesheva tanyldy. Úshinshi vitse-miss ataǵyna D. Baimuratova ie boldy.
Esterińizge sala keteiik, ulttyq finaldy Jańa jyl qarsańynda ótkizýdiń qalyptasqan dástúrine qaramastan, biyl «Qazaqstan arýy» alǵash ret ulystyń Naýryz merekesi kúnderinde ótkizildi. 22 naýryzdan bastap «Qazaqstan arýy - 2018» resmi saitynda baiqaý finalisterine daýys berý bastalǵan edi.
