بٷگٸن استاناداعى بەيبٸتشٸلٸك جەنە كەلٸسٸم سارايىندا «قازاقستان ارۋى 2018» ۇلتتىق بايقاۋىنىڭ جەڭٸمپازى انىقتالدى. سونىمەن, «قازاقستان ارۋى» اتاعىنا اتىراۋ ٶكٸلٸ, 16 جاستاعى الفييا ەرسايىن لايىقتى دەپ تانىلدى. ول بٷگٸندە اتىراۋ گۋمانيتارلىق كولەدجٸنٸڭ ستۋدەنتٸ, دەپ حابارلايدى "ۇلت اقپارات".
«قازاقستان ارۋى» بايقاۋىندا باق سىناۋ ٷشٸن استاناداعى فينالدىق كەزەڭگە ەلٸمٸزدٸڭ تٷكپٸر-تٷكپٸرٸنەن 30 بويجەتكەن جينالدى. بايقاۋ بارىسىندا قازىلار القاسى فينالعا شىعاتىن تەك 5 ارۋدى ٸرٸكتەدٸ. ولاردىڭ اراسىندا دينارا بايمۇراتوۆا (سەمەي,17 جاستا), سابينا ەزٸمباەۆا (الماتى, 18 جاستا), مايمۋنا كٷلكەشەۆا (استانا, 19 جاستا), الفييا ەرسايىن (اتىراۋ, 16 جاستا), ەكاتەرينا دۆورەتسكايا (كاراعاندى, 19 جاستا) بار.
بۇدان كەيٸن ەلٸمٸزدٸڭ بٸرٸنشٸ ارۋىن دەستٷرلٸ تٷردە قازاقستان حالقى تٸكەلەي ەفير ارقىلى ٶتكٸزٸلەتٸن ونلاين جەنە سمس داۋىس بەرۋ ارقىلى تاڭدادى. نەتيجەسٸندە, باسىم داۋىس جيناعان «قازاقستان ارۋى-2018» بايقاۋىنىڭ جەڭٸمپازى اتاندى.
بٸرٸنشٸ ۆيتسە-ميسس اتاعىن ە. دۆورەتسكايا السا, ەكٸنشٸ ۆيتسە-ميسس بولىپ م. كٷلكەشەۆا تانىلدى. ٷشٸنشٸ ۆيتسە-ميسس اتاعىنا د. بايمۇراتوۆا يە بولدى.
ەستەرٸڭٸزگە سالا كەتەيٸك, ۇلتتىق فينالدى جاڭا جىل قارساڭىندا ٶتكٸزۋدٸڭ قالىپتاسقان دەستٷرٸنە قاراماستان, بيىل «قازاقستان ارۋى» العاش رەت ۇلىستىڭ ناۋرىز مەرەكەسٸ كٷندەرٸندە ٶتكٸزٸلدٸ. 22 ناۋرىزدان باستاپ «قازاقستان ارۋى - 2018» رەسمي سايتىندا بايقاۋ فيناليستەرٸنە داۋىس بەرۋ باستالعان ەدٸ.
