Qazaqstan Aziiadaǵy ózara is-qimyl jáne senim sharalary keńesiniń halyqaralyq arenadaǵy rólin nyǵaitýǵa kúsh salady. Bul týraly atalǵan keńes Syrtqy ister ministrleriniń 6-kezdesýinen keiin QR Syrtqy ister ministriniń orynbasary Aqan Rahmetýllin aitty, dep habarlaidy QazAqparat.
«Aziiadaǵy ózara is-qimyl jáne senim sharalary keńesi Syrtqy ister ministrleriniń 6-kezdesýi qazir ǵana aiaqtaldy. QR Tuńǵysh Prezidenti – Elbasy Nursultan Nazarbaev AÓISShK-niń negizin qalaýshy ekeni ózderińizge de belgili. Elbasy bul bastamany 1992 jyly Birikken Ulttar Uiymy Bas assambleiasynyń 47-sessiiasynda jasady. Ótken jyly qyrkúiekte Qazaqstan AÓISShK tóraǵalyǵyn qabyldady. AÓISShK Aziianyń kóptegen eliniń joǵary baǵasy men qoldaýyna ie bolǵan Qazaqstannyń alǵashqy halyqaralyq bastamalarynyń biri sanalady. Qazaqstan tóraǵalyǵy kezinde AÓISShK qyzmetin damytý jáne onyń halyqaralyq arenadaǵy rólin nyǵaitý úshin barlyq kúsh-jigerin salady», - dedi Aqan Rahmetýllin BAQ ókilderine.
