Qazaqstan Aziiadaǵy ózara is-qimyl jáne senim sharalary keńesine tóraǵalyǵyn uzartýdy usyndy. Bul týraly Aziiadaǵy ózara is-qimyl jáne senim sharalary keńesi Syrtqy ister ministrleriniń 6-kezdesýinde QR Syrtqy ister ministriniń orynbasary Aqan Rahmetýllin aitty, dep habarlaidy QazAqparat.
«Búginde AÓISShK dialog alańyn tolyqqandy halyqaralyq uiymǵa transformatsiialaý barynsha aiqyn seziletin deńgeige shyqty. Forým 30 jylǵa jýyq ýaqyttyń ishinde tolyqqandy halyqaralyq uiymǵa qajetti barlyq atribýtqa ie», - dedi QR Syrtqy ister ministriniń orynbasary.
Onyń atap ótýinshe, forýmdy qaita uiymdastyrý múshe memleketterge Aziiadaǵy senim sharalaryn nyǵaitýda tiimdi ádisterdi ilgerletýge múmkindik beredi. Ortaq syn-tegeýirinderdi sheshý úshin múmkindikter men quraldardy aitarlyqtai keńeitedi. Memleketter arasyndaǵy dialogqa saiypty saiasi serpin beredi. Múshe elderge syndarlyq is-qimyldy qalyptastyrýǵa jol ashyp, yntymaqtastyqtyń negizgi baǵyttary boiynsha kelisilgen ádisterdi qamtamasyz etedi.
«Osyǵan orai AÓISShK-ni transformatsiialaýdy odan ári ilgeriletý maqsatynda Qazaqstan 2022-2024 jyldarǵy AÓISShK tóraǵasy laýazymyna kandidatýrasyn usynady. Múshe memleketter kelesi merzimge qazaqstandyq tóraǵalyqty uzartýdy qoldaidy dep úmittenemin», - dedi Aqan Rahmetýllin.
