2021 jylǵy 17 maýsymda Halyqaralyq menedjmentti damytý institýtynyń (IMD, Lozanna, Shveitsariia) Álemdik básekege qabilettilikti zertteý ortalyǵy 2021 jylǵy álemdik básekege qabilettilik reitingisiniń nátijelerin jariialady, dep habarlaidy "Ult aqparat".
QR Ulttyq ekonomika ministrliginiń baspasóz qyzmetiniń málimetterine qaraǵanda, IMD reitingi – kelesi faktorlardy baǵalaityn keshendi zertteýdiń nátijesi: «Ekonomikalyq qyzmet», «Úkimet tiimdiligi», «Biznestiń tiimdiligi» jáne «Infraqurylym».
2021 jyly zertteýde álemniń 64 eli baǵalandy. Reitingte jetekshi orynǵa Shveitsariia ie. Úzdik 5 elge Shvetsiia, Daniia, Niderlandy jáne Singapýr kiredi.
2021 jylǵy zertteý nátijeleri boiynsha Qazaqstan Respýblikasy 2020 jylǵy reitingpen salystyrǵanda 7 tarmaqqa kóterilip, 35-oryndy ielendi.
Qazaqstan Portýgaliia (36 oryn), Indoneziia (37 oryn), Latviia (38 oryn), Ispaniia (39 oryn), Sloveniia (40 oryn), Úndistan (43 oryn), Resei (45 oryn), Túrkiia (51 oryn) siiaqty elderden alda keledi.
Biyl Qazaqstan reitingtiń barlyq faktorlary boiynsha óz pozitsiiasyn jaqsartty.
«Úkimettiń tiimdiligi» faktory boiynsha Qazaqstan óz pozitsiiasyn 8 tarmaqqa jaqsartyp, 21 orynǵa turaqtady. Jaqsarý barlyq 5 sýbfaktor boiynsha pozitsiialardyń artýymen túsindiriledi, atap aitsaq: «Memlekettik qarjy» – 19 oryn (4 pozitsiiaǵa jaqsardy), «Salyq saiasaty» – 5 oryn (11 pozitsiiaǵa jaqsardy), «Institýtsionaldyq orta» – 46 oryn (4 pozitsiiaǵa jaqsardy), «Biznes týraly zańnama» – 25 oryn (3 pozitsiiaǵa jaqsardy) jáne «Qoǵamdyq qurylys» – 29 oryn (9 pozitsiiaǵa jaqsardy).
«Biznestiń tiimdiligi» faktory boiynsha Qazaqstan pozitsiiasynyń 6 tarmaqqa – 28 orynǵa deiin jaqsarǵany baiqalady. Osy faktor aiasynda 4 sýbfaktor boiynsha kórsetkishter jaqsardy. Qazaqstannyń «Eńbek naryǵy» sýbfaktory boiynsha pozitsiiasy – 20 oryn (12 pozitsiiaǵa jaqsardy), «Qarjy» – 46 oryn (1 pozitsiiaǵa jaqsardy), «Menedjment praktikasy» – 13 oryn (6 pozitsiiaǵa jaqsardy), «Qatynastar men qundylyqtar» – 23 oryn (6 pozitsiiaǵa jaqsardy).
«Ekonomikalyq qyzmet» faktory boiynsha Qazaqstan úsh pozitsiiaǵa kóterilip, 45-orynǵa ie boldy. Jaqsarý barlyq bes sýbfaktor boiynsha pozitsiialardyń artýymen túsindiriledi: «Ishki ekonomika» – 37-oryn (4 pozitsiiaǵa jaqsardy), «Halyqaralyq saýda» – 58-oryn (2 pozitsiiaǵa jaqsardy), «Syrtqy investitsiialar» – 47-oryn (1 pozitsiiaǵa jaqsardy), «Jumyspen qamtý» – 24-oryn (9 pozitsiiaǵa jaqsardy) jáne «Baǵalar» – 13-oryn (3 pozitsiiaǵa jaqsardy).
«Infraqurylym» faktory boiynsha Qazaqstan tórt pozitsiiaǵa kóterilip, 47-oryndy ielendi. Úsh sýbfaktor boiynsha pozitsiialardy kóterý jaqsy nátije kórsetti: «Bazalyq infraqurylym» – 25-oryn (6 pozitsiiaǵa jaqsardy), «Ǵylymi infraqurylym» – 57-oryn (1 pozitsiiaǵa jaqsardy), «Densaýlyq saqtaý jáne qorshaǵan orta» – 55-oryn (2 pozitsiiaǵa jaqsardy).
Respondentterdiń pikirinshe, Qazaqstan Respýblikasy ekonomikasynyń neǵurlym tartymdy bes faktorynyń qataryna qolaily biznes-orta (respondentterdiń 60%-y), ekonomikanyń serpindiligi (46,4%), qarjylyq jaǵdaiǵa qoljetimdilik, saiasattyń turaqtylyǵy men boljamdylyǵy (42,7%) jáne salyq júiesiniń básekege qabilettiligi jatady (40,9%).
Buǵan deiin Boston Consulting Group Sustainable Economic Development Assessment 2021 (08.06.2021 j) jańartylǵan zertteýi sheńberinde Qazaqstan ekonomikasynyń ekonomikalyq ornyqtylyq, infraqurylym sapasy, memlekettik institýttar men qyzmetter siiaqty kórsetkishteri boiynsha baǵalaýyn arttyrdy.
Reiting nátijeleri týraly tolyǵyraq aqparatty Halyqaralyq menedjmentti damytý institýtynyń http://www.imd.org/wcc/ resmi saitynan taba alasyz.
