Búgin Elordada «Jastar uiymdarynyń netvorkingi jáne tájiribe almasýy» jobasy aiasynda Qazaqstan-AQSh jastary forýmy ótti.
«Bolashaq» Qaýymdastyǵynyń uiyqty bolýymen ótken jiynda eki el arasyndaǵy birlesken jobalar sóz bolyp, júzege asyrý joldary talqylandy.
Forýmnyń basty maqsaty – Qazaqstan men AQSh jastary arasynda qarym-qatynas ornatý, eki jaqty yntymaqtastyqty nyǵaitý.
Forýmǵa QR Aqparat jáne qoǵamdyq damý vitse-ministri Daniiar Esin, «Kazakhstan Trade Council» direktory Devit M.Valera, MIT ýniversiteti qyzmetkeri, jas belsendi Chelsi Konard, «Eriktiler ligasy» qoǵamdyq qorynyń tóraiymy Aisulý Erniiazova, «Jas Otan» jastar qanatynyń jetekshisi Káribek Dáýlet jáne t.b. belsendi jastar qatysty.
Forýmǵa Qazaqstan men AQSh-tyń qoǵamdyq uiymdary, qaýymdastyqtar men áleýmettik toptardyń jáne stýdenttik klýbtardyń resmi ókilderi qatysty.
Jiyn sońynda qos tarap eki el arasyndaǵy yntymaqtastyqty nyǵaitý maqsatynda «Bolashaq» Qaýymdastyǵy, «Azamattyq bastamalardy qoldaý ortalyǵy» jáne «Kazakhstan Trade Council» úshjaqty memorandýmǵa qol qoiyldy.
Sondai-aq «Jas Otan» jáne «Indiana University Fencing Club», «Astana Jastary» jáne «Words Can Soar» halyqaralyq uiymy arasynda memorandým jasaldy.
Aita ketsek, forým «Azamattyq bastamalardy qoldaý ortalyǵy» KEAQ-nyń memlekettik granty aiasynda, QR Aqparat jáne qoǵamdyq damý ministrliginiń qoldaýymen uiymdastyryldy.
