Foto: QR Qorǵanys ministrligi
Qazaqstannyń 430 áskeri qyzmetshisi BUU bitimgershilik missiialaryna qatysady, dep habarlaidy Sputnik Qazaqstan.
Memleket basshysy Qasym-Jomart Toqaevtyń BUU missiialaryna qatysý úshin Qazaqstan Qarýly kúshteriniń bitimgerlik kontingentin jiberý týraly usynysy Parlament palatalarynyń birlesken otyrysynda qaraldy.
"BUU-nyń bitimgershilik qyzmeti aiasynda Qazaqstannyń pozitsiiasyn bekitý maqsatynda BUU Jarǵysynyń VII taraýy aiasynda ("Beibitshilikke tónetin qaterge, beibitshilikti jáne agressiia aktilerin buzýǵa qatysty is-qimyl") Qazaqstan Qarýly kúshteriniń BUU-nyń Taiaý Shyǵystaǵy, Ońtústik Sýdan Respýblikasyndaǵy jáne Abeidegi bitimgershilik missiialaryna qatysý geografiiasyn birtindep keńeitýdi oryndy dep sanaimyn jáne jalǵastyrýdy usynamyn", – dedi Qorǵanys ministri Rýslan Jaqsylyqov Parlamenttiń birlesken otyrysynda.
Osylaisha Qazaqstannan barlyǵy 430 áskeri qyzmetshi (rezervtegi rota, shtab ofitserleri, áskeri baiqaýshylar jáne mamandandyrylǵan bólimsheler) BUU bitimgershilik missiialaryna qatysady:
• "BUU-nyń Golan biiktikterindegi bólýdi baiqaý kúshterine" (UNDOF, Siriia – Izrail);
• "BUU bitimgershilik sharttarynyń oryndalýyn baqylaý organyna" (UNTSO, Palestina – Izrail);
• "BUU-nyń Ońtústik Sýdan Respýblikasyndaǵy missiiasyna" (UNMISS, Ońtústik Sýdan);
• "BUU-nyń Abeidegi qaýipsizdikti qamtamasyz etý jónindegi ýaqytsha kúshterine" (UNISFA, Sýdan).
Jaqsylyqovtyń aitýynsha, BUU-nyń missiialaryna qatysý Qazaqstan Qarýly kúshterine áskerlerdiń jaýyngerlik mashyqtaryn jetildirý úshin paidalanylatyn bitimgershilik operatsiialarǵa tán qajetti jaýyngerlik daǵdylarǵa qol jetkizýge múmkindik beredi.
Parlament depýtattary qazaqstandyq áskerilerdi Golan biiktigi men Ońtústik Sýdanǵa jiberý týraly usynysty maquldady.
