Parlament Senatynyń jalpy otyrysynda palata depýtattary «Qazaqstan Respýblikasy men Soltústik Makedoniia Respýblikasynyń arasyndaǵy qylmystyq ister boiynsha ózara quqyqtyq kómek týraly shartty ratifikatsiialaý týraly» Zańyn qabyldady, dep habarlaidy QazAqparat.
Sharttyń basty maqsaty – kúdikti men aiyptynyń kinásin dáleldeýge arnalǵan protsessýaldyq áreketterdi júzege asyrýdy retteý.
Ol eki eldiń ókiletti organdaryna kelesi tergeý amaldaryn júrgizýge quqyq beredi: qamaýda otyrǵan adamdardy ýaqytsha berý; tintý, zattardy tárkileý, saraptama júrgizý; jaýap alý, aqparat almasý jáne de basqa amaldardy qamtidy.
«Shartta kózdelgen barlyq tergeý áreketteri bizdiń Qylmystyq-protsestik kodekste bar», - dedi QR Bas prokýrorynyń birinshi orynbasary Berik Asylov.
Shart boiynsha:
- kómek kórsetý el egemendigine, qaýipsizdigine, ózge múddelerine qaýip tóndirse;
- ulttyq zańnamaǵa qaishy kelse;
- adamdy ulty, násili, dini jáne saiasi kózqarasy úshin qýdalaityn bolsa, quqyqtyq kómek kórsetilmeidi.
«Osyndai sharttar 27 memleketpen (Qytai, Ulybritaniia, Úndistan, AQSh) jasaldy. Qazir Portýgaliia, Kipr, Dominikan jáne Argentina elderimen qol qoiý jumystary júrgizilip jatyr. Byltyr basqa memleketterge 163 suratý boiynsha quqyqtyq kómek kórsettik. Bizdiń 185 ótinishimizdi shetel organdary oryndady. Usynyp otyrǵan Shart adam quqyqtary men bostandyqtaryn qozǵaidy. Sol sebepti, «Halyqaralyq sharttar týraly» Zańǵa sáikes, Shart ratifikatsiialaýǵa jatady. Ony ratifikatsiialaý teris ekonomikalyq, saiasi jáne ózge de saldarǵa ákelmeidi», - dedi B. Asylov.
