Búgin elordada «Qazaqstan-2050» jalpyulttyq demokratiialyq kúshter koalitsiiasy ózderiniń taraitynyn málimdedi. Oǵan sebep - Ulttyq qoǵamdyq senim keńesiniń qurylýy.
«Osy jumys formatyn qaita qaraý týraly birneshe ret usynys jasaldy. Ózgeristiń qajettiligi týraly jii aityldy. Osy pikirge súiene otyryp jáne Ulttyq senim keńesiniń qurylýyna bailanysty Nur Otan partiiasy demokratiialyq kúshterdiń jalpyulttyq koalitsiiasynyń jumysyn aiaqtaý týraly usynys jasady», - deidi Nur Otan partiiasy tóraǵasynyń birinshi orynbasary, koalitsiia tóraǵasy Baýyrjan Baibek.
Onyń aitýynsha, jalpyulttyq koalitsiia 8 jyldyń ishinde óziniń tarihi missiiasyn oryndap bolǵan.
«Bizdiń koalitsiia aiasynda bastaǵan keń aýqymdy jumysymyz prezident janyndaǵy ulttyq senim keńesi alańynda jalǵasady», - deidi Baýyrjan Baibek.
Qazaqstan prezidenti Qasym-Jomart Toqaev 17 shildede Ulttyq qoǵamdyq senim keńesin qurý týraly jarlyqqa qol qoiyp, keńes quramyn jariialaǵan bolatyn.
«Jaqyn kúnderi Ulttyq qoǵamdyq senim keńesiniń alǵashqy otyrysy ótedi. Prezident atap ótkendei, azamattardy bilik pen qoǵam arasyndaǵy dialogtyń damýyna alańdaýshylyq bildiredi. Mundai dialog pikirlerdiń pliýralizmin tanýǵa negizdelýi kerek. Ártúrli pikiriler, biraq birtutas ult – basty nusqaý osy bolý tiis. Ulttyq qoǵamdyq senim keńesi – bul eldiń mańyzdy saiasi máseleleri boiynsha dialogtyń jańa deńgeii dep oilaimyn», - dedi partiia tóraǵasynyń orynbasary.
