QR Energetika ministri Bolat Aqsholaqovtyń aitýynsha, Qazaqstan 2030 jylǵa qarai gaz óndirisin 6,7 mlrd tekshe metrge ulǵaita alady, dep habarlaidy QazAqparat.
«Memleket basshysynyń tapsyrmasymen jer qoinaýyn paidalanýǵa arnalǵan jaqsartylǵan modeldik kelisimsharttar toptamasy daiyndaldy. Zańnamaǵa tiisti túzetýler jyl sońyna deiin qabyldanady.
Bul sharalar jiyntyq gaz qory shamamen 93,6 mlrd tekshe metr bolatyn kenishti óndiriske daiyndap, 2030 jylǵa qarai jylyna 6,7 mlrd tekshe metr qosymsha taýarlyq gaz óndirýmen gaz óndirýge múmkindik beredi», - dedi Bolat Aqsholaqov.
Sondai-aq, ol suiytylǵan gazdyń birjasyna kóshý 2023 jyldyń 1 qańtaryna aýystyrylǵanyn eske saldy.
«Birjalarda saýda-sattyqtyń kúrt ósýine jol bermeý úshin saýda-sattyq belgilengen shekti bólshek baǵa sheginde júrgiziledi. Suiytylǵan munai gazdyń kólikke ilespe júkqujatyna jáne satý kezinde fiskaldyq chekterdi jazýǵa qoiylatyn talaptardy zańnamalyq normalar arqyly qatańdatý usynylady. Sonymen qatar, salalyq memlekettik organ baqylaityn tapshy taýarlar úshin biryńǵai taýar birjasyn belgileýdi usynamyz», - dedi ministr.
Buǵan deiin QR Prezident Qasym-Jomart Toqaev gaz baǵasyn jasandy jolmen ustap turý gaz tapshylyǵyn týyndatýy múmkin ekenin aitqan edi.
