Qazaqstan 2019 jylǵy qańtardan bastap SNOMED International uiymynyń tolyq múshesi atanady. Bul - Halyqaralyq meditsina terminologiiasy standarttaryn damytý uiymymen (International Health Terminology Standards Development Organisation) júrgizilgen eki jyldyq kelissózdiń jemisi, dep habarlaidy "Ult aqparat" Densaýlyq saqtaý ministrliginiń Feisbýktegi paraqshasyna silteme jasap.
«Búginde 35 memleket SNOMED-ti qoldanady, Qazaqstan 36-shy el atanbaq. Aita keteiik, Qazaqstan - SNOMED-ke tolyq múshe bolýdy josparlap otyrǵan TMD-daǵy alǵashqy memleket», - delingen habarlamada.
Ádette dárigerler naýqastyń diagnozdary men oǵan kórsetilgen qyzmetterdiń atyn jazyp júredi. Keide qaǵazdaǵy jazýdy basqa dárigerler túsinbei jatady. Meditsina mekemelerinde qaǵazsyz jumys isteýge kóshkende bul máseleniń ózektiligi arta túsedi.
Qoldanylatyn aqparattyq júieler bir-birin qaltqysyz túsinýi úshin ortaq til qoldanylýy tiis. Ol - SNOMED-CT klinikalyq terminologiiasy. Bul elektrondy jazbalardyń ózara túsinisýine meilinshe igi yqpalyn tigizedi ári dárigerlerdiń de aqparatty durys túsinýine jaǵdai jasaidy.
