Foto: Úkimettiń baspasóz qyzmeti
Premer-Ministr Álihan Smaiylov Senat otyrysynan keiin ótken brifing barysynda zańsyz iemdelingen jáne elden shyǵarylǵan aktivterdi qaitarý jónindegi jumys týraly aityp berdi, - dep habarlaidy "Ult aqparat" primeminister.kz saityna silteme jasap.
Cmaiylov aktivterdi qaitarý jónindegi jumys qabyldanǵan zańǵa sáikes júrip jatqanyn jáne ol Memleket basshysynyń saiasi jáne ekonomikalyq reformalarynyń qisyndy jalǵasy ekenin atap ótti. Negizgi mindet – áleýmettik ádildikti qalpyna keltirý, aktivterdi qaitarý jáne olardy respýblika ekonomikasyna jumys isteýge baǵdarlaý.
«Eki joly bar – erikti jáne májbúrli túrde, olar sot sheshimine sáikes júzege asyrylady. Zańnyń kúshi júretin adamdar toby anyqtalǵan. Bul – ákimshilik resýrstardy paidalanyp, aktivterdi zańsyz iemdengen adamdar. Adal bizneske alańdaýǵa negiz joq», — dedi Premer-Ministr.
Úkimet basshysynyń aitýynsha, qaitarylǵan qarajat áleýmettik saladaǵy mańyzdy jobalardy, sondai-aq jańa jumys oryndaryn qurýǵa múmkindik beretin infraqurylymdyq jáne óndiristik jobalardy iske asyrýǵa baǵyttalatyn bolady.
«Búgingi tańda shamamen 1 trln teńgeniń aktivteri qaitaryldy. Onyń ishinde shamamen $600 mlrd-y shetelden qaitarylyp otyr. Bul jumys jalǵasyp jatyr», — dedi Premer-Ministr.
