Mádeniet jáne sport ministrliginiń sý jańa ministri Aqtoty Raiymqulova jumysyna kiriskeli oǵan degen ótinishter men usynystar az kelip jatqan joq. Arystanbek Muhamediulynyń mán bermegen jumystaryn meńgerip jiberse, súikimi artaryna keńes aitqan jeli qoldanýshylary da tabyldy. Onyń biri feisbýk belsendisi Bella Orynbetova mynadai ýáj aitady.
«Sý jańa mádeniet ministriniń kesheli beri talqylap jatqan taqyrybyna qosylmaiyn. Shyndap kelgende bul ministrdi alańdatqan basty másele emes, "belgisiz bireýlerdiń" jasandy túrde jurttyń nazaryn aýdartý úshin jasalǵan dúnie dep oilaimyn. Biraq usynys aitaiyn ruqsat bolsa.
Qurmetti Aktoty Raiymqulova, kinoteatrlarda qazaqsha kontentti jylyna 5-6 ret qana kórsetedi. Kinoteatrlarda 12 jasqa deiingi aýditoriia úshin qazaqsha dýbliajdy, praim taim ýaqytty mindetteýge bolar edi. Biraq sizder ázirlesip biyl qabyldanǵan "Kinematografiia týraly" zańdaryńyzǵa raqmet. "Bolashaq" KQ dýbliajdaǵan (memlekettiń bir tiyny jumsalmai) "Oiynshyqtar hikaiasy" animatsiialyq filmi keshe astanada 89 ret kórsetildi. Qazaqsha bolady degen 6 seans múldem kórsetilmedi. Endi búgin astanada osy animatsiialyq filmniń 86 seansy bolady. Onyń 14-i ǵana qazaqsha. Qazaqshasyn múldem kórsetpei otyrǵan kinoteatrlar bar! (Máselen, Evraziia Cinema7). Almaty qalasynda búgin 218 seans bar, onyń 14-i qazaq tilinde. Qazaq tiliniń qamyn dál osy jerde jep, dál osy máselede qorǵasańyz, abyroiyńyz aldyńǵy áriptesińizden góri biigirek bolar edi»
#qazaqshakino
