«Kazahstanskii» uiymdasqan qylmystyq tobynyń jetekshileri ustaldy. Bul týraly QR Bas prokýratýrasy Arnaiy prokýrorlar qyzmetiniń bastyǵy Rizabek Ojarov aitty, dep habarlaidy QazAqparat.
«Kópshiliktiń qoiatyn basty suraqtary, osynyń barlyǵynyń artynda kim tur? Uiymdastyrýshylar kim? Tergeý bul suraqtarǵa mindetti túrde jaýap beredi.
Qazir biz beibit mitingilerdi ártúrli kúshter paidalanǵanyn bilemiz. Áreketterdiń úilestirilgeni anyq. Negizinde, bizdiń memleketimiz «gibridti» shabýylǵa da tap boldy. Uiymdastyrýshylar óz josparlaryna destrýktivti jáne qylmystyq toptardy tartty. Olarǵa qarý berip, is-áreketterin úilestirip otyrǵan. Qazirgi tańda uiymdasqan qylmystyq toptyń 18 múshesi ustaldy. Adam óltirý, urlyq, tonaý jáne qaraqshylyq jasaǵany úshin buryn sotty bolǵan 21 tulǵa ustaldy», - dedi Rizabek Ojarov Ortalyq kommýnikatsiialar qyzmetindegi brifing barysynda.
Sonymen qatar ol kúni keshe ǵana Almaty oblysynyń Eńbekshiqazaq aýdanynda Ulttyq qaýipsizdik qyzmetkerleri «Kazahstanskii» uiymdasqan qylmystyq tobynyń jetekshilerin ustaǵanyn atap ótti.
«Olardan oq-dárimen birge 15 atys qarýy tárkilendi. Qazir olardyń basqa da ashylmaǵan qylmystarǵa qatystylyǵy tekserilýde», - dedi Bas prokýratýra ókili.
