Aidar Batalov. Foto:kazakhfilmstudios.kz
Sháken Aimanov atyndaǵy "Qazaqfilm" AQ óndiris jónindegi vitse-prezidenti Aidar Batalov qyzmetinen ketti, - dep habarlaidy Tengrinews.kz.
Aidar Batalov bul qyzmetke 2021 jyldyń naýryz aiynda taǵaiyndalǵan.
"Men áriptesterime jáne búkil ujymǵa ýaqytty birge ótkizip, joǵary deńgeide oryndalǵan jobalar úshin alǵys aitamyn. Mádeniet jáne sport ministrligine birlesken jumys úshin, basshylyqqa senim bildirgeni úshin alǵysym sheksiz. Alǵa qadam basatyn ýaqyt keldi, endi meniń ómirimde jańa kezeń bastaldy", - dedi ol.
Aidar Batalov 1987 jyly 13 jeltoqsanda dúniege kelgen. 2010 jyly ol London Film Academy-di bitirip, Qazaqstanǵa oralǵannan keiin "Ańyzdar kitaby: Jumbaq orman" atty tuńǵysh qazaqstandyq fantastikalyq filmniń jelilik prodiýseri retinde jumysqa kiristi. Bir jyldan keiin ol óziniń alǵashqy qysqa metrajdy "Onlain" filmin, keiin tolyq metrajdy kórkem film "Zagovor Oberonany" túsirdi.
Buǵan deiin Aidarhan Ádilbaev "Qazaqfilm" kinostýdiiasynyń vitse-prezidenti qyzmetinen óz erkimen ketkenin habarlaǵanbyz.
Eske salaiyq, 2022 jyldyń aqpanynda "Qazaqfilm" prezidenti Aqan Sataev Mádeniet jáne sport ministrligi alqasynyń keńeitilgen otyrysynda kinostýdiia jumysyndaǵy negizgi problemalardy aitqan bolatyn. Ǵimarat qabyrǵalarynyń shirip jatqanyn, keibir qyzmetkerlerdiń óz jumysyn durys istemeitinin aityp shaǵymdanǵan. Sataevtyń aitýynsha, ótken ǵasyrda salynǵan kinostýdiia ǵimaratynyń materialdyq-sharýashylyq bóligi túgeldei jóndelmegen.
