«Sháken Aimanov» atyndaǵy «Qazaqfilm» AQ prezidenti Aqan Sataev kinostýdiianyń qazirgi jai-kúii týraly aityp berdi, dep habarlaidy QazAqparat.
«Ókinishke qarai, kinostýdiia qazir óz kartinalaryn shyǵarýdan, jalpystýdiialyq aýdarymdardan tabys taýyp otyr. Biraq olai bolmaýy kerek, kinostýdiia klientke baǵdarlanǵan rólderi bar kartinalaryn satýdan paida tabýy kerek. Kinony satý jáne eksport geografiiasyn keńeitý esebinen jańa jobalardy iske qosyp, ainalym massasyna qol jetkizýi kerek. Árine, bul rette de stýdiia qajetti tehnika men jabdyqty jalǵa berýi tiis», - dedi Aqan Sataev elordada Mádeniet jáne sport ministrliginiń keńeitilgen alqa otyrysynda.
Onyń aitýynsha, Úkimet qoldaý kórsetken jańǵyrtýlar aiasynda jumys júrip jatyr.
«Biz qazirdiń ózinde eń zamanaýi tehnikalardy alyp jatyrmyz. Basqarý qurylymyn ózgerttik, ashyqtyqty arttyrdyq, qaýipsizdik qyzmetin qurdyq, Úkimettiń qoldaýymen gaz júrgizdik, jalǵa berý tabysyn pandemiiaǵa deiingi kezeńmen salystyrǵanda 400%-ǵa deiin kóterdik.
Biz jumys istep jatyrmyz, barynsha tyrysyp baǵamyz. Biraq stýdiia tapqan barlyq qarajat ókinishke qarai, qyzmetkerlerdiń jalaqysy men ákimshilik-sharýashylyq qajettilikterge jumsalady. Shyndyǵyn aitqanda, óz filmderimizdi shyǵarýǵa da qarajat jetkiliksiz. Sondyqtan, bizge áli de óz filmderimizdi shyǵarý úshin qoldaý qajet», - dedi Sataev.
