«Qazaqaltyn» taý-ken metallýrgiia kombinaty» AQ shotynan 1,5 milliard teńge urlaǵan kúdiktiler ustaldy, dep habarlaidy "Ult aqparat".
Aqmola oblystyq Politsiia departamenti baspasóz qyzmetiniń málimetinshe, biylǵy 23 aqpanda «Qazaqaltyn» TKMK» AQ ókilderi kompaniianyń shotynan 1 milliard 533 million teńge urlaý faktisi boiynsha politsiiaǵa júgindi.
Atalǵan qylmysty ashý úshin kriminaldyq politsiia jáne tergeý bólimsheleriniń tájiribeli qyzmetkerlerinen arnaiy jedel-tergeý toby quryldy. QR QK-niń 189-babynyń 4-bóligi «asa iri mólsherde senip tapsyrylǵan bóten múlikti iemdený nemese ysyrap etý» boiynsha sotqa deiingi tergeý bastaldy. Onyń sanktsiiasy 7 jyldan 12 jylǵa deiin bas bostandyǵynan aiyrýdy kózdeidi.
«Jedel-izdestirý sharalary barysynda aǵymdaǵy jylǵy 26 aqpanda politsiia qyzmetkerleri Nur-Sultan qalasynda eki kúdiktini ustady. Onyń biri 37 jastaǵy qarjy bóliminiń qyzmetkeri bolsa, ekinshisi onyń 38 jastaǵy azamattyq nekedegi kúieýi. Kúdiktilerge qatysty sot «kúzetpen ustaý» túrindegi bultartpaý sharasyn sanktsiialady», - dedi vedomstvodan.
Tergeý organy tergeý sheńberinde zalaldy óteýdi qamtamasyz etý sharalaryn qabyldaidy.
«Tergeý múddesine orai basqa aqparat jariialanbaidy», - dep tolyqtyrdy vedomstvodan.
Aita keteiik, jaqynda «Qazaqaltyn» kenishinen 122 million teńgeniń altyny urlanǵan bolatyn.
