Foto: týrnir uiymdastyrýshylary
2024 jylǵy 8 qarashada «Qobylandy» jylqy zaýytynyń aýmaǵynda (Almaty obl.) FEI 100 km qashyqtyqqa at jarysy boiynsha halyqaralyq týrnir ótti CEI*1 100 km. Týrnir halyqaralyq At sporty federatsiiasy - FEI qoldaýymen ótti.
Týrnirge Qazaqstan jáne BAÁ sportshylary men Qostanai jáne Adai tuqymdarynyń jylqylary qatysty. Elimizdiń ár óńirinen 16 jylqy qatysty. Sportshylar men olardyń jylqylary bir kúnde 100 km qashyqtyqty júrip ótip, tózimdilikti, sheberlikti jáne aqyl-oi kúshin kórsetti.
Halyqaralyq at sporty federatsiiasynyń jylqynyń tózimdiligi jónindegi tehnikalyq komitetiniń basshysy Muhammed Áli Amer Omar Ál-Hadramidiń aitýynsha, jarystyń bul túri qazaqtyń dástúrli at jarysyna óte uqsas. Qazaq jylqylarynyń daiyndyǵy óte jaqsy jáne munda ǵasyrlar boiy jylqy sharýashylyǵy damyǵanyn kórýge bolady.
"Qazaqstannyń at sporty boiynsha halyqaralyq jarystardy ótkizý áleýeti joǵary, óitkeni Qazaqstannyń geografiialyq turǵyda óte jaqsy ornalasqan. Ol: Resei, Qytai, Ózbekstan, Qyrǵyzstan jáne t.b. elder arasynda óte tiimdi ornalasqan. Sondyqtan Qazaqstan osy óńirde at sporty úshin damý ortalyǵyna ainalýy múmkin", - dedi ál-Hadrami.
Foto: týrnir uiymdastyrýshylary
Is-sharanyń maqsaty: elimizde at sportyn nasihattaý jáne damytý, qazaqi jylqy tuqymdaryn damytý – Qostanai, Adai jáne t. b.. QR tóreshiler alqasynyń tóreshilik sapasyn jáne kásibi daǵdylaryn arttyrý, talantty shabandozdar men jylqylardy anyqtaý jáne olardy halyqaralyq týrnirlerge qatystyrý.
Ózderińiz biletindei, Adai jáne Qostanai tuqymdarynyń jylqylary joiylyp ketý aldynda tur jáne qoldaýdy qajet etedi. Sonymen qatar, Qazaqstan At sporty boiynsha halyqaralyq týrnirlerde usynylmaǵan. Sondyqtan uiymdastyrýshylardyń negizgi maqsaty bolashaqta Qazaqstandyq jylqylarǵa halyqaralyq jarystarǵa jol ashý úshin halyqaralyq At sporty federatsiiasy men tóreshiler komissiialarynyń tóreshilerine otandyq jylqy tuqymdaryn tanystyrý boldy.
Jylqy ieleriniń basty maqsaty 2026 jyly Saýd Arabiiasynda ótetin qashyqtyqtan at jarysy boiynsha álem chempionatyna irikteýden ótý de boldy. Óitkeni bul týrnir álem chempionatyna irikteý boldy.
Jarysty uiymdastyrýshy Shyńǵys Dosmuhambetov: "Biz álemge Adai jáne Qostanai jylqy tuqymyn ashqymyz keledi, osy jylqy tuqymdary úshin olardyń álemdik týrnirlerge qatysýyna múmkindik jasaǵymyz keledi. Biz 2025 jyly da Qazaqstanda jarystyń osy túrin ótkizýdi josparlap otyrmyz. Otandyq sportshylardy 2026 jyly Qostanai jáne Adai tuqymdarynyń jylqylarymen álem chempionatyna qatystyrý - bizdiń basty maqsatymyz".
Foto: týrnir uiymdastyrýshylary
Jarysty uiymdastyrýshylar: QR At sporty federatsiiasy, "Baiserke Agro" agroholdingi jáne "Qobylandy" at zaýyty.
Is - shara BAÁ vitse-prezidenti sheih Mansýr Al Nahaian men onyń Emirates International Endura komandasynyń qoldaýymen ótti. Shet elden kelgen mamandar jarysta tóreshilik etip, elimizdiń veterinarlary men tóreshilerin úiretti.
"Baiserke Agro" JShS "Qazaqstan Respýblikasynyń At sporty federatsiiasy" RQB - men birlesip jylqynyń densaýlyǵyna, qaýipsizdigine tolyq qamqorlyq jasaityn jylqynyń ál-aýqat kodeksin bekitti. Jylqynyń ál-aýqaty men densaýlyǵy sporttaǵy basymdyq bolyp tabylady.
Týrnir jeńimpazdary:
1 oryn-Kók Jebe aty, shabandoz Omar Nursultan (Mańǵystaý oblysy);
2 oryn – Baqtory aty, shabandoz Dargerbek Habai (Jetisý oblysy);
3 oryn-Tobylǵy tory aty, shabandoz Kýmarov Nursultan (Mańǵystaý oblysy);
4 oryn-Gúlsary aty, shabandoz Janaliev Viktor (Abai oblysy);
5 oryn Qaharman aty, shabandoz Beisbaev Dáýlet (Jetisý oblysy);
6 oryn Nobel aty, shabandoz Mehok Orhideia (Vengriia);
7 oryn-Neapol aty, shabandoz Natalia Dolgih (Almaty oblysy).
Kók Jebe atty jylqynyń iesi 1-shi orynǵa Ravon avtokóligin, al qalǵan barlyq júldegerler bas demeýshi Baiserke-Agrodan aqshalai syilyqtar aldy.
