Qazaqstandyq Daryn Qonysbaev Ońtústik Koreianyń Kendjý qalasynda ótken triatlonnan Aziia chempionatynda altyn júldeni qanjyǵasyna bailady.
20 jastaǵy taldyqorǵandyq sportshy 23 jasqa deiingi kategoriiada úsh kezeńnen súrinbei ótti: júzý – 1,5 km, velojarys – 40 km, júgirý – 10 km. Bul týraly mádeniet jáne sport ministrliginiń sport komiteti habarlady.
Osy jarys taǵy bir otandasymyz Meiirlan Iskakov úshin de sátti boldy, ol qola júldeni oljalady.
Aita ketsek, chempionattyń ekinshi kúni Aziianyń 14 elinen kelgen 69 jigit saiysqa tústi. Olardyń arasynda Gonkong, Iran, Qytai, Makao, Malaiziia, Mońǵoliia, Nepal, Singapýr, Siriia, Filippin, Taivan, Ońtústik Koreia, Japoniia elderi bar.
23 jasqa deiingi atletter arasynda Qazaqstan namysyn Daryn Qonysbaev, Meiirlan Iskakov jáne jarysta segizinshi oryn alǵan Semen Pivovarov qorǵady.
22 maýsymda Aziia chempionatynda 15 jasqa deiingi sportshylar jáne aralas estafetalyq komandalar arasynda jarys ótedi. Bul jarystarda qazaqstandyq Aleksandr Ten, Aleksandr Molchanov pen Maksim Shmýlich, sondai-aq eki estafetalyq komanda baq synaidy.
