Foto: ashyq derekkóz
Astanada Qazaqstan men Iran prezidentteriniń kezdesýinde mádeni-gýmanitarlyq yntymaqtastyqty tereńdetý máselesi de keńinen talqylandy, dep habarlaidy Ult.kz.
Qasym-Jomart Toqaev Iran arhivterinde qazaq tarihyna qatysty qundy jádigerler kóp ekenin atap ótip, qos memleket ǵalymdarynyń ál-Farabi murasyn birlesip zerttei bastaǵanyn aitty.
Prezidenttiń aitýynsha, qazaq jerinde uly oishyl ál-Farabiǵa arnalǵan tarihi-mádeni keshen salý máselesi qarastyrylyp jatyr. Bul joba eki eldiń ortaq ǵylymi-rýhani murasyn nasihattaýǵa baǵyttalady.
Sondai-aq Iran delegatsiiasy Qazaqstanǵa qazaq tarihyna qatysty birqatar baǵaly kóne qoljazbalardyń kóshirmelerin ala kelgen. Toqaev osy qadamdy eki halyqtyń tarihi bailanysynyń tereńdigin kórsetetin mańyzdy belgi retinde atady.
Kelissózder qorytyndysy boiynsha taraptar kelesi baǵyttarda yntymaqtastyqty arttyrýǵa niet bildirdi:
-
aldaǵy jyldary eki elde Mádeniet kúnderin ótkizý;
-
joǵary oqý oryndary arasynda stýdent almasý baǵdarlamalaryn jandandyrý;
-
meditsinalyq uiymdar men farmatsevtikalyq kompaniialar arasynda ózara seriktestik ornatý.
Bul bastamalar Qazaqstan men Iran arasyndaǵy rýhani, ǵylymi jáne mádeni bailanysty jańa deńgeige kóterýi tiis.
