Jambyl atyndaǵy Qazaq memlekettik filarmoniiasynyń artisteri Tokioda ótip jatqan Olimpiadaǵa orai dostyq, kelisim jáne ózara qoldaýǵa arnalǵan beinerolik jariialady, dep habarlaidy "Ult aqparat".
Mádeniet jáne sport ministrliginiń málimetine sensek, beinerolikke Jambyl atyndaǵy Qazaq Memlekettik filarmoniiasynyń jeke oryndaýshylary Erjan Álimbetov (dombyra), Fedor Artamonov (violonchel); B.Baiqadamov atyndaǵy Memlekettik hor kapellasynyń artisi Indira Qudabaeva (vokal); «STEPPE SONS» alternativ-folk tobynyń beldi múshesi Muratbek Ramanqulov sekildi qazaq mýzykanttarymen qatar, japon mýzykanttary Iýmiko Fýrýhashi (morinhýýr), Takeshi Takeýchi (elektr bas), Týzan Hirano (siakýhachi), Ai Iamagýchi (vokal) atsalysqan.
Artister birigip Rokýsýke Eidiń sózine, kompozitor Hatidai Nakamýranyń mýzykasyna jazylǵan japondyq ánshi Kiý Sakamotonyń áigili «Ue o Muite Arukō» ( « Sukiyaki « ) ánin oryndap shyqty.
Bul án Japoniiada 1961 jyly dúniege kelgen, birneshe memleketterdiń top-charttarynda, sonyń ishinde amerikandyq «Billboard hot 100» chartynda birinshi oryndy iemdengen.
Sonymen qatar, mýzykanttar qazaqtyń «Kózińniń móldirin-ai» atty halyq ánin naqyshyna keltirip oryndady.
- Meniń oiymsha, qazaq mýzykanttarymen birigip jasaǵan kompozitsiiamyz óte jyly ári shynaiy shyqqan sekildi. Bul shyǵarmashylyq kollaboratsiia keremet boldy, men jumys qorytyndysyna tań qalyp otyrmyn. Jobaǵa qatysqan barsha mýzykanttarǵa jáne jobaǵa qatysýǵa shaqyrǵan Serik Nurmoldaevqa alǵysymyz sheksiz! – dep jazady óziniń jeke paraqshasynda jobaǵa qatysýshylardyń biri Iýmiko Fýrýhashi.
Joba mýzykanttardyń kompozitsiiaǵa qazaq jáne japon halyqtarynyń kóne mýzykalyq aspaptaryn paidalanýymen jáne ánniń túpnusqa tilinde oryndalýymen erekshelengen.
Beinerolikte eki memlekettiń airyqsha tabiǵaty men kóne salt-dástúrleri kórsetildi.
Kompozitsiianyń negizgi ideiasy - halyqtar arasyndaǵy ózara bailanysty ornatý jáne qoldaý kórsetý.
