Elordada ótip jatqan Qazaq tilinde kontent jasaýshylardyń dástúrli besinshi forýmynda QR Aqparat jáne qoǵamdyq damý ministri Aida Balaeva internettiń til tazalyǵyna tigizetin áseri týraly aityp ótti, dep habarlaidy QazAqparat tilshisi.
«Árine, memlekettik tildegi medianyń belsendi damýy birinshi kezekte qazaqtildi aýditoriianyń ósýine bailanysty. Sebebi bul - qoǵam talaby. Suranys árqashan da usynysty týdyratyny belgili. Degenmen, san bar jerde sapa máselesin de umytpaýymyz kerek. Ókinishke qarai, qazir arzan málimet taratýǵa áýes «sary» basylymdar deńgeii de, ózgergisi kelmeitin onlain media da jetkilikti. Qysqa ýaqytta mol qaralym jinaýdy basty maqsat etetin saittar aq-qarasyn ajyratpai, jalǵan aqparat berýge, bir-birinen kóshirip basatyn sapasy tómen aýdarmalarmen búkil kontentte tek qylmys hronikasyn taratatyn «jaǵa ustatar» jańalyqtarǵa ǵana áýes», - dedi ministr.
Onyń aitýyna qaraǵanda, keleshekte «Sóz túzer» qate tirkester sózdiginiń úlgisinde qate qoldanylatyn oralymdardyń elektrondy bazasy jasalmaq.
«Árine, dástúrli basylymdardaǵy jazý tili men internettegi jazý stilinde aiyrmashylyq bar. Kóptegen aqparat saittardyń málimetteri qysqa ári jeńil jazýdy tańdaidy. Sondyqtan, búginde «Intil» jazý formasy uǵymy paida boldy. Dese de, jyldam aqparat taratýdy ǵana oilaityn saittarda kóp jaǵdaida til tazalyǵy bolmaidy. Munyń ózi birinshi kezekte qazaq tilin internet arqyly oqyp úirenetin óskeleń urpaqqa keri áserin tigizetini anyq. Bul rette biyl qyrkúiek aiynda bizdiń ministrliktiń qoldaýyman elimizde alǵash ret «Sóz túzer» qate qoldanystar sózdigi jinaq bolyp shyqty. Atalǵan kitapqa qate qoldanylyp júrgen 3,5 myńnan astam sóz tirkesteri berilip, 2 myńnan astam naqty mysal berilgen.
Qate sóz tirkesteriniń durys nusqasy usynylǵan bul oqý ádistemelik qural ulttyq baspasózdegi qazaq tiliniń qoldanysyn bir júiege keltirýge septigin tigizeti dep senemin. Aldaǵy ýaqytta atalǵan sózdiktiń elektrondy bazasy jasalady», - dedi Aida Balaeva.
