Qazaqstan parlamenti senatynyń depýtaty Birǵanym Áitimova Qazkom bankiniń Astana qalasyndaǵy filialynyń qyzmetkerleri Oǵyz Doǵanǵa qazaq tilinde qyzmet kórsetýden bas tartýyna qatysty pikir bildirdi, dep habarlaidy Sputnik Kazakhstan.
Senator barlyq salada memlekettik tilde qyzmet kórsete alatyn qyzmetkerler bolýy tiis ekenin atap ótti.
"Men bankke barǵanda qai tilde sóilesem, sol tilde jaýap alamyn. Munda esh qiyndyq joq. Degenmen, zańǵa sáikes, barlyq salada klientterge memlekettik tilde aqparat berýge mindetti. Zań bárine ortaq. Adamnyń ishki mádenieti qalypty, emotsiiaǵa salynbai suraq qoiyp, sol keiipte jaýabyn talap ete alatyndai bolýy tiis. Al bank basshylyǵy memlekettik tilde qyzmet kórsete alatyn qyzmetkerlerdiń mindetti túrde bolýyn qadaǵalaýy kerek", — dedi Birǵanym Áitimova.
Aita keteiik, Oǵyz Doǵan qazaq tilinde qyzmet kórsetýden bas tartqan Qazkom bankiniń qyzmetkerlerin videoǵa túsirip, jelige júktegen bolatyn. Ol bank keshirim surmasa, "Eir Astana" siiaqty olardy da sotqa beretinin málimdedi.
