Qazaq tilin oqytý sapasyn arttyrýǵa erekshe kóńil bólý qajet. Bul týraly búgin Memleket basyshysy Qasym-Jomart Toqaev óziniń Twitter-degi paraqshasynda jazdy, dep habarlaidy "Ult aqparat".
«Ulttyq qoǵamdyq senim keńesiniń otyrysyna qatystym. Adami kapitaldy qalyptastyrý maqsatynda bilim, ǵylym jáne densaýlyq saqtaý salalaryn damytý máselesin talqyladyq. Bul salalarǵa qazirgi zaman talabyna sai túbegeili reformalar júrgizý qajet»,-dedi Prezident.
Sondai-aq Memleket basshysy bilim deńgeiin halyqaralyq baǵalaý nátijesi boiynsha artta qalýymyzǵa jetkiliksiz qarjylandyrý sebep bolyp otyrǵandyǵyn jetkizdi.
«Jylyna ár oqýshyǵa bólinetin qarjy bir myń dollarǵa jetpeidi. Reformalardyń júiesizdigi de teris yqpal etýde. Mektep infraqurylymy zamanaýi talaptarǵa sai bolýy kerek. Qazaq tilin oqytý sapasyn arttyrýǵa erekshe kóńil bólý qajet. 2021 jyldan bastap Til komiteti Bilim jáne ǵylym ministrliginiń quramynda bolady», - dep jazdy Qasym-Jomart Toqaev.
