Foto: QFF
Qazaqstan fýtbol federatsiiasynyń (QFF) basshysy Ádilet Barmenqulov bas bapker Stanislav Cherchesovtyń qazaq tiline qatysty qaljyńynan keiin oǵan qandai sharalar qoldanylǵanyn aitty, dep habarlaidy Ult.kz BaigeNews.kz aqparat agenttigine silteme jasap.
Oqiǵa Almatyda Sloveniiamen ótken oiynda bolǵan. Bir jýrnalist qazaq tilinde suraq qoiǵan kezde Cherchesov "Frantsýzsha sóilep tursyń ba?" dep jaýap bergen.
Týrizm jáne sport ministrligi bul jaǵdaiǵa qatysty QFF-den túsinik talap etken bolatyn.
Barmenqulov Cherchesovpen memlekettik tilge qurmet kórsetýdiń mańyzdylyǵy týraly túsindirme jumysy júrgizilgenin jáne bapkerge aiyppul salynǵanyn aitty.
"Qatelik ketti, biz bul týraly keshe ǵana jýrnalistermen talqylaǵan edik. Cherchesovtyń ázilderi, árine, shekten shyǵyp ketti. Men onymen jeke sóilestim, memlekettik tildiń ózektiligi men basymdylyǵyn túsindirdim. Biz onymen áńgimelesip, túsindirme jumystaryn júrgizdik. Oǵan aiyppul salyndy", — dedi Barmenqulov.
Stan.kz málimetinshe, bapkerge 200 AEK nemese 738 400 teńge kóleminde aiyppul salynǵan.
Aita keteiik, Cherchesovtyń basshylyǵymen ulttyq qurama tórt oiyn ótkizip, onyń bireýi teń aiaqtalsa, úsheýi 0:8 esebimen jeńiliske ushyraǵan.
