Memleket basshysy Nursultan Nazarbaev Qazaqstan halqyna Joldaýynda sátsiz aýdarmalardy negizdeý tásilderin qaita qarastyryp, terminologiia turǵysynan qazaq tilin halyqaralyq deńgeige jaqyndatý kerektigin málimdedi, - dep habarlaidy "Ult aqparat".
"Qazaqstandyqtardyń bolashaǵy - qazaq, orys jáne aǵylshyn tilderin erkin meńgerýinde. Orys tildi mektepter úshin qazaq tilin oqytýdyń jańa ádistemesi ázirlenip, engizilýde. Eger biz qazaq tili ǵumyrly bolsyn desek, ony jónsiz terminologiiamen qiyndatpai, qazirgi zamanǵa laiyqtaýymyz qajet. Alaida, sońǵy jyldary álemde qalyptasqan 7 myń termin qazaq tiline aýdarylǵan. Mundai "jańalyqtar" keide kúlkińdi keltiredi", - degen Memleket basshysy mysal da keltirdi.
Aitýynsha, "ǵalamtor" (Internet), "qoltyraýyn" (krokodil), "kúisandyq" (fortepiano) jáne taǵy sol siiaqty aýdarmalar qate.
"Osyndai aýdarmalardy negizdeý tásilderin qaita qarastyryp, terminologiia turǵysynan qazaq tilin halyqaralyq deńgeige jaqyndatý kerek. Latyn álipbiine kóshý bul máseleni retteýge múmkindik beredi. 2025 jylǵa deiin bilim berýdiń barlyq deńgeiinde latyn álipbiine kóshýdiń naqty kestesin jasaý qajet", - deidi Elbasy.
Sonymen qatar, ol orys tilin bilý mańyzdy bolyp qala beretinin jáne 2016 jyldan beri jańartylǵan baǵdarlama boiynsha orys tili qazaq mektepterinde 1-synyptan bastap oqytylyp keletinin eske saldy.
"2019 jyldan 10-11-synyptardaǵy jaratylystaný ǵylymynyń jekelegen pánderin oqytýdy aǵylshyn tiline kóshirý bastalatyn bolady. Nátijesinde, bizdiń barlyq túlekterimiz elimizde jáne jahandyq álemde ómir súrip, jumys isteýi úshin qajetti deńgeide úsh tildi meńgeretin bolady. Sonda ǵana naǵyz azamattyq qoǵam qurylady", - deidi Nazarbaev.
Aita keteiik, búgin, 10 qańtarda Nazarbaevtyń Qazaqstan halqyna Joldaýynyń tolyq mátini jariialandy.
