Foto: nstagram.com/janibek_alimkhanuly
Jeńilip kórmegen qazaqstandyq kásipqoi boksshy Jánibek Álimhanuly óziniń Instagram-daǵy resmi paraqshasynda óziniń kelesi jekpe-jegi týraly málimdeme jariialady, dep habarlaidy Ult.kz.
"Kez kelgen jerde, kez kelgen boksshymen judyryqtasýǵa biz árqashan daiyn bolǵanbyz, qazir de daiynbyz! Qazaq stilin tarihqa qashap jazamyz buiyrtsa! Men úshin úlken jekpe-jekter tek chempiondyq jekpe-jek! Bizge chempiondar kerek! Tórt titýl kerek! Chempiondar qashsa, qoryqsa olar chempiondar emes! Al aqsha úshin bokstassa ol sportshy emes, biznesmen! Men áli de kelesi jekpe-jegim Adames ne Laramen bolady dep úmittenemin! Komandam qazir úlken kelissózder júrgizýde. Eger chempiondar kelispese, eki titýldy qaita qorǵaimyz!" - dep jazdy ol.
Onyń aitýynsha, kelesi jekpe-jegi aqpan aiynda ótedi dep josparlanǵan. Álimhanulynyń sózinge bul chempiondyq jekpe-jek bolady nemese WBO mindettegen qarsylaspen kezdesý ótkizedi.
"Maǵan senim artyp, jankúierlik jasap júrgen barsha aǵaiynǵa kóp raqmet. Eki titýl qolda, ekeýi jolda! Qudai qalasa erteli kesh 4 titýldy elge alyp kelemin!", - deidi boksshy.
Esterińizge sala keteiik, qazaqstandyq IBF jáne WBO uiymdarynyń nusqalary boiynsha orta salmaqtaǵy álem chempiony. Sońǵy ret Álimhanuly ringke 4 qazanda jańazelandiialyq Andrei Mihailovichke qarsy shyqty. Reseidiń týmasy "qazaq stilimen" shaiqasta tek IBF belbeýin sarapqa salǵan edi, sodan keiin WBO otandasymyzǵa óz jelisi boiynsha titýldy qorǵaýǵa jańa qarsylas taǵaiyndady.
