Qazaq radiosynyń ǵasyrlyq mereitoiy 2021 jyly toilanady. 100 jyldyqqa orai logotipke baiqaý jariialanyp otyr, dep habarlaidy "Ult aqparat".
Atap aitqanda, ǵasyrlyq tarihy bar Qazaq radiosyn dáripteý ári taqyrypty ashý, qoldanystaǵy (bekitilgen) logotipti negizge alý, túsi men shriftter bekitilgen logotipke sáikes kelýi, avtorlyq quqyqtarǵa sáikes bolýy sekildi talaptar qoiylyp otyr.
Baiqaýǵa qatysatyndar avtorlyq jobasyn JPEG formatta qysqasha mátinmen (túsindirmelik) qazradio100@gmail.com elektrondy poshtasyna joldaýy tiis. Baiqaýǵa 14.01.2020- 14.02.2020 jyl aralyǵynda jariialanǵan jumystar qabyldanady.
«Túsken materialdyń barlyǵy áleýmettik jelige jariialaý quqyna kelisken dep esepteledi. Úzdik shyqqan logotip ult únjariiasynyń 100 jyldyǵyna orai uiymdastyrylatyn barlyq sharada qoldanylady», - delingen radio málimetinde.
Aita keteiik, jeńimpazǵa 100 000 teńge kóleminde syiaqy usynylady. Jeńimpaz anyqtalǵan soń, logotip CorelDRAW formatta kórsetilgen elektrondy poshtaǵa jiberilýi qajet. Jeńimpaz 17 aqpan kúni anyqtalady.
Nusqany «Qazposhta» arqyly jiberseńizder, «Nur-Sultan qalasy, Qonaev kóshesi 4, Qazmedia ortalyǵy, «Qazaq radiolary» JShS» meken-jaiyna joldaýǵa bolady.
