Qala prozasyna arnalǵan «QAZAQ pen QALA» ekinshi respýblikalyq baiqaýy jariialandy.
Baiqaýdyń maqsaty: Qazaq prozasynda birli-jarym shyǵarmalar bolmasa, qalanyń kúndelikti tynys-tirshiligi men qala adamdarynyń oilaý júiesi, dúnietanymy men mádenieti, qazaqtyń qalaǵa beiimdelý máseleleri áli kúnge tolyq qamtylmai kele jatqan taqyryp. Baiqaýdyń negizgi maqsaty – sońǵy jyldary jii kóterilip júrgen osy máselege – qazaq ádebietiniń qala prozasy janryn damytýǵa úles qosý.
Baiqaýdyń mindeti:
jazýshylarǵa shyǵarmashylyq qoldaý kórsetý;
qazaq prozasynyń taqyryptyq aýqymyn keńeitý;
qazaq jazýshylaryn qala taqyrybyn igerýge yntalandyrý;
búgingi zamanǵy qala kelbeti men tynys-tirshiligin ádebi shyǵarmalar arqyly tarihta qaldyrý.
Baiqaýdyń sharttary: Baiqaýǵa qatysýshylar ádebiet pen mádeniettiń ortalyǵy – Almatynyń búgingi tynys-tirshiligi men ondaǵy turǵyndardyń qily taǵdyrlaryn sýrettegen prozalyq shyǵarmalaryn joldai alady;
baiqaý, jalpy, qala prozasyna arnalǵandyqtan, qala atynyń naqty atalýy shart emes;
prozalyq shyǵarmanyń kólemine Times New Roman qarpi, 14 kegl ólshemi boiynsha (1 jolaralyq ólshem) 25 betten aspaýy kerek:
baiqaýǵa laqap atpen usynylǵan shyǵarma qabyldandaidy;
baiqaýǵa joldanǵan shyǵarma avtory sýreti men qysqasha ómirbaianyn tanystyrylym úshin jazyp jiberýi shart;
baiqaýǵa usynylǵan shyǵarma buryn eshqaida jariialanbaǵan bolýy tiis;
baiqaýǵa qatysýshylardyń jasy 45 jastan aspaýy kerek;
shyǵarmalar 1 shildeden bastap 1 qazanǵa deiin qabyldanady.
Baiqaý jeńimpazdaryn elge belgili ádebietshiler men aqyn-jazýshylardan qurylǵan qazylar alqasy anyqtaidy.
Baiqaýǵa usynylǵan shyǵarmalardy baǵalaý kezinde olardyń:
kórkemdik deńgeiiniń joǵary bolýy;
qala prozasy janryna qoiylatyn talaptarǵa sai bolýy;
qala adamynyń psihologiiasy men qala kórinisteriniń senimdi sýrettelýi;
áriptik jáne stildik qatelikterdiń bolmaýy talap etiledi.
Talapqa sai emes nemese kórkemdik deńgeii tómen shyǵarmalar irikteýden ótpeidi.
Baiqaýǵa usynylatyn shyǵarmalardyń taqyryptyq aýqymy:
baiqaý qatysýshylaryna taqyryptyq shekteý qoiylmaidy; qala, ýrbanizatsiia, ýrbanistik mádeniet taqyrybyna arnalǵan kez kelgen shyǵarma qabyldanady.
Sonyń ishinde:
qazaq pen qala;
Almaty – táýelsizdiktiń altyn besigi;
tarih tolqynyndaǵy qala;
búgingi qala tirshiligi;
qaladaǵy jastar ómiri;
qazaqtyń qalaǵa beiimdelýi;
ýrbanizatsiia;
qala mádenieti;
qazaq uǵymyndaǵy qala men shynaiy ómirdegi qala («qala – qazaqqa jaý»; «qala – qazaqqa janashyr» t.b.);
qalada týyp, qalada ósken adamdardyń beinesi;
aýylda týyp, qalada ósken adamdardyń beinesi;
qylmysty qala (detektiv) t.b.
Baiqaýǵa qatysý úshin:
shyǵarmalar kompiýterde terilip, Times New Roman qarpi, 14 kegl ólshemi boiynsha (1 jolaralyq ólshem) jazylyp, elektrondy nusqada tiisti mekenjaiǵa joldanady;
qatysýshy aty-jóni, turǵylyqty mekenjaiy, telefon nómiri, elektrondy adresi, ómirbaiany men shyǵarmashylyǵy týraly qysqasha aqparatty elektrondy nusqada qosa joldaýy tiis.
«QAZAQ pen QALA» respýblikalyq baiqaýynyń júlde qory:
1-oryn – 1 million (1 000 000) teńge;
2-oryn – 500 myń (500 000) teńge;
3-oryn – 300 myń (300 000) teńge;
Sonymen qatar arnaiy júldeler men yntalandyrý syilyqtary bar.
Qosymsha aqparat: baiqaýdy ádil túrde ótkizý maqsatynda barlyq talaptarǵa sai jazylǵan shyǵarmalardy oqyrmandar «Jas Alash» gazetinen oqi alady. Joǵaryda kórsetilgen ólshemge sáikes, alty betten aspaityn shyǵarmalar gazet betine, alty betten asatyn shyǵarmalar gazet saityna jariialanyp otyrady. Bul óz kezeginde qazylar alqasynyń ádil sheshim shyǵarýyna jáne baiqaýdyń ashyq túrde ótkizilýine yqpal etedi.
Baiqaý jeńimpazdary anyqtalǵan soń, baiqaýǵa qatystyrylǵan (gazette jariialanǵan) barlyq shyǵarmalar jinaqtalyp, prozalyq jinaq shyǵady.
Úmitkerler shyǵarmalaryn «Qazaq pen qala» baiqaýyna qatysý úshin!» degen eskertpemen zhasalash2017@gmail.com elektrondy poshtasyna joldaidy.
Baiqaý qorytyndysy marapattaý rásiminde ǵana jariialanady. Marapattaý Almaty qalasynda ótedi (ózgerister bolsa arnaiy habarlanady). Baiqaý jeńimpazdary anyqtalǵan soń, avtorlar jeke habarlandyrylady.
Mekenjai:
050044, Almaty qalasy
Dostyq dańǵyly 97/B úi, 7/3 keńse
Respýblikalyq «Jas Alash» gazeti
Telefondar:
Qabyldaý bólimi – 8(727) 346-89-54
Elektrondy poshta: zhasalash2017@gmail.com
