Qyrǵyzstannyń áleýmettik jelilerinde tarap ketken videoda avtokólik shekaradaǵy ótkizý beketiniń qaqpasyna bar jyldamdyqpen soǵylǵan.
Videonyń astyndaǵy jazbada oqiǵanyń qazaq-qyrǵyz shekarasynda Qazaqstannyń Qordai aýyly mańynda bolǵany aitylypty.
Kadrlarǵa qaraǵanda, shekarashy qara kólikti tekserip jatady, sol kezde qatty jyldamdyqpen kelgen aq krossover qaqpaǵa soǵylǵan. Soqqy saldarynan qara kólik alǵa sál jyljyp ketti. Abyroi bolǵanda, shekarashy da shetke yǵysyp úlgeripti.
Sputnik Qyrǵyzstan habarlaǵandai, Memlekettik shekara qyzmetiniń málimeti boiynsha oqiǵa Qyrǵyzstan territoriiasynda bolmaǵan. Degenmen jaǵdaidyń anyq-qanyǵy tekserilip jatyr.
Bastapqy derekter boiynsha, bul jait Qazaqstan aýmaǵynda bolypty.
