Qazaqstan men Qyrǵyzstan Qarýly kúshteri bólimsheleriniń «Ystyqkól – Ańyraqai-2019» birlesken taktikalyq arnaiy oqý-jattyǵýy óz máresine jetti, dep habarlaidy "Ult aqparat" QR Qorǵanys ministrligine silteme jasap.
Eki eldiń arnaiy maqsattaǵy bólimsheleriniń oqý-jattyǵýy «Edelveis» oqý-jattyǵý ortalyǵynyń bazasynda aiaqtaldy.
«Teoriialyq jáne praktikalyq sabaqtar barysynda eki eldiń áskeri qyzmetshileri taýly, taktikalyq arnaiy daiarlyq elementterin pysyqtap, áskeri topografiia men bailanysty uiymdastyrýdaǵy bilimderin jetildirdi.
Taýly daiyndyq mańyzdy praktikalyq kezeń boldy. Qazaqstan Qarýly kúshteri áskeri qyzmetshisiniń aitýynsha, bizdiń jeke quram saqtandyrýdy paidalana otyryp, taýǵa órmeleý men túsý, sondai-aq taýly jerde qozǵalý boiynsha jattyǵýlardy sapaly pysyqtady.
Odan basqa, eki eldiń áskeri bólimsheleri qurama jasaq quramynda qarsylastyń barlaýyna daiyndalý jáne júrgizý, zańsyz qarýly quralymdardy oqshaýlaý boiynsha arnaiy operatsiiany oryndady», delingen habarlamada.
«Ystyqkól – Ańyraqai-2019» oqý-jattyǵýy birlesken jumysta eki eldiń bólimsheleriniń shynaiy jaýyngerlik ázirligin, úilesimdiligin baǵalaýǵa múmkindik berdi.
Qazaqstan Qarýly kúshteriniń atynan oqý-jattyǵýǵa eki arnaiy maqsattaǵy top jáne bir brondy top qatysty. Barlyǵy 30-ǵa jýyq áskeri qyzmetshi.
Qazaqstan men Qyrǵyzstan Qarýly kúshteri bólimsheleriniń mundai birlesken jumysynyń formaty jii túrde júrgizilip turatynyn aita ketken jón. Ótken jyly «Ańyraqai-2018» oqý-jatyǵýyna eki memlekettiń 300-den asa áskeri qyzmetshisi qatysty.
