Elordada Qazaqstan Barysy H respýblikalyq týrniri bastaldy. Beldesýlerdi Qazaqstan ulttyq arnasy kórsetip jatyr, dep habarlaidy "Ult aqparat".
Biyl balýandar básekesi Táýelsizdiktiń 30 jyldyǵy men Qajymuqan Muńaitpasovtyń 150 jyldyǵyna arnalady. Jyl boiyndaǵy irikteýden irkilmei ótken 37 balýan týrnirdiń aqtyq kezeńinde baq synaidy. Olardyń 11-i birinshi ret bas synaǵaly otyr.
Saiystyń birinshi oryn iegerine 25 mln teńge, bapkerine 3 mln 500 myń teńge. Ekinshi oryn iegerine 5 500 myń teńge, bapkerine 1 800 myń teńge. Úshinshi oryn iegerine 1 800 myń teńge beriledi.
Biyl 10 jyldyǵy atap toilap jatqan týrnirdi túrki tildes elderge habar taratatyn TRT AVAZ arnasy da tikelei efirden kórsetip jatyr.
Týrnirdiń reglamentine birqatar ózgeris engizilgenin aitý kerek. Beldesý ýaqyty bes minýttan tórtke deiin, al qosymsha ýaqyt eki minýttan bir minýtqa deiin qysqartylǵan.
